Home dezenvolvimentu STAE Prontu Realiza Eleisaun Antesipada

STAE Prontu Realiza Eleisaun Antesipada

805
0
SHARE
Diretor Jeral STAE. Acilino Miranda Branco. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Diretor Jeral Sekretariadu Tekniku Administrasaun Eleitoral (STAE) Acilino Branco hatete, STAE hanesan orgaun tekniku ida ne’ebe hamahan an iha Ministeriu Administrasaun Estatal nia okos tanba ne’e hakarak ka lakoi tenke realiza eleisaun antesipada tanba hotu-hotu tenke hakruk ba dezisaun Prezidente Republika (PR) Francisco Guterres Lu-Olo.

“Dezisaun hotu ita nia Xefe Estadu deside ona hakarak ka lakoi governu liu husi Ministeriu Estatal liu-liu STAE  hakarak ka lakoi tenke assume situasaun ida ne’e,” dehan Acelino ba Jornalista sira iha, edifisiu sentral STAE Caicoli Dili, Sexta (26/01/2018).

Tanba ne’e, agora ba oin STAE komesa ona halo preparasaun hodi reuni kondisaun hotu nune’e bele hasoru eventu ida ne’ebe foin dahuluk akontese iha istoria Timor – Leste.

Maski PR Lu-Olo foin mak dekreta Eleisaun Antesipada, maibe seidauk fo sai data lolos ba eleisaun ne’e, ho nune’e STAE mantein nafatin pozisaun hodi halo preparasaun ne’ebe diak hodi realiza eventu ne’e lao to rohan ho susesu.

“Materiais balun sei bele sufisiente hela, ne’e mak balu ita bele reuni fila fali atu nune’e ita bele responde eventu ida ne’e, hanesan material balun ita sei iha hela, maibe material sira ne’ebe ita uza ba eleisaun ita uza hotu presiza halo fila fali mak boletin votus no materiais sira seluk hanesan urnas votus bele dehan sei bele hela,” dehan Acilino.

Acilino afirma, bainhira eleisaun agora mosu, mobilizasaun partisipasaun populasaun sae makas kompara ho eleisaun ne’ebe liu ona bele fo impaktu mos ba materias sira. Maibe nia fiar no garante ho tempu ne’ebe naton sira bele prepara ho diak.

“Iha munispiu, material sira ne’e preparadu hela iha ne’eba, falta deit oinsa tempu badak ne’e kedas atu identifika fali ita nia brigada sira hodi nune’e sistema sira ne’ebe mak halo fali resensamentu hanesan oras ne’e daudaun resensiamentu halo hela ona iha teritoriu tomak, nune’e tempu ba preparasaun ne’e bele han to fulan 4 ou 5 ida para bele konkretiza eleisaun ida ne’ebe ohin ita nia PR deside ona,” dehan Acilino.

Entertantu eleisaun ne’ebe mak agora atu halo sei utiliza nafatin lei ne’ebe mak uza ona iha eleisaun Parlamentar tinan kotuk No.9/2017.

Editóra: Agida DOS SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here