Home internasional PR Lu-Olo Desidi Eleisaun Antisipada, Disolve PN

PR Lu-Olo Desidi Eleisaun Antisipada, Disolve PN

1494
0
SHARE
PR Lu Olo hato'o hela deskursu hafoin fo posse ba membru govenru foun nain 21 iha Palsiu Prezidensial Aitarak Laran Dili. Photo: Media PR

By: Hortencio Sanches

THETIMOR-NEWS.com, DILI – Ema numeru ida iha Timor-Leste, Prezidenti Republika (PR), Francisco Guterres Lu-Olo desidi ona atu hakotu empase politik iha Timor-Leste, dezisaun diak liu maka eleisaun antisipada.

Dezisaun ba Eleisaun Antisipada ne’e PR Lu-Olo foti hodi entrega hikas ba povu atu desidi hikas ba partidu ne’ebe mak sei ukun iha VIII Governu Konstitusional.

“Ho hakaraik an Prezidenti husu ba povu atu vota tan iha eleisaun antisipada,” deklara PR Lu-Olo, Sexta (26/01/2018), iha Palasiu Prezidensial Aitarak Laran, Bairo Pite, Dili.

Alende desidi eleisaun antisipada, PR Lu-Olo uza nia kompetensia iha Konstituisaun RDTL Artigu 86 alinea F; Hakotu Parlamentu Nasionál, iha kazu krize boot institusionál nian ne’ebé labele iha formasaun governu ka aprovasaun Orsamentu Jerál Estadu nian, iha tempu naruk liu loron neen-nulu, wainhira rona tiha ona  partidu polítiku sira-ne’ebé hetan kadeira iha Parlementu Nasionál, no rona  Konsellu-Estadu, iha tempu ne’ebé laiha kdasar  jurídiku atu hala’o disolusaun , tenke haree tuir regra iha Artigu 100.

“Prezidenti Republika desidi tuir artigu 86 aliena F dissolve Parlamentu Nasional,” dehan xefi estadu.

Ho dezisaun ne’e, PR Lu-Olo husu ba povu atu mantein paz no estabilidade no uza nia deretu demokratiku hodi hili fali partidu ne’ebe sei tuur iha PN.

Iha Eleisaun Parlamentar 2017, Partidu FRETILIN sai vensedor ho kadeira 23 tuir kedan Partidu CNRT (22), PLP (8), PD (7) no KHUNTO (5).

Ho kompozisaun kadeira, tuir Konstitituisaun RDTL Artigu 106, fo dalan ba Partidu mais votadu FRETILIN hodi lidera governu, maibe tenki ho koligasaun. Iha nia formasaun VII Governu Konstitusional, Partidu FRETILIN bolu PD hodi forma governu ne’ebe lidera hosi Primeiru Ministru Mari Alkatiri.

Maibe iha nia aprovasaun programa no orsamentu, Parlamentu Nasional ne’ebe domina hosi kadeira Aliansi Maioria Parlamentar (AMP) la hetan aprovasaun.

Editór: Evangelisto SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here