Home dezenvolvimentu Eleisaun Antesipada Sei Uza Lei No 9/2017

Eleisaun Antesipada Sei Uza Lei No 9/2017

632
0
SHARE
Povu Timor-Leste forma hela hodi fo nia deretu vota iha Eleisaun Parlamentar 2017. Photo: TTN/Evangelisto Santos

By: Jose Samuel

THETIMOR-NEWS.com, DILI – Commissão Nacional Eleiçoes (CNE) sei uza nafatin lei no 9/2017 hodi realiza eleisaun antesipada ne’ebe deklara ona hosi Prezidenti Republika Francisco “Lu-Olo” Guterres.

Eleitor jovem ne’e hatudu nia kartaun eleitoral wainhira partisipa iha Elpar 2017. Photo: TTN/Evangelisto Santos

“Eleisaun antesipada ne’e sei kontinua ho lei tuan numeru 9/2017, tamba ida ne’e laos eleisaun jeral maibe ne’e eleisaun antisipada,” dehan Alcino Barris, Prezidente CNE ba jornlista sira iha Hotel Timor, Sexta (26/01/2017).

Nune’e mos nia esplika, ba partidu sira ne’ebe hakarak hakat ba eleisaun antesipada ho koligasaun tenki halo antes.

Ho eleisaun antesipada, CNE sei halo edukasaun sivika ba eleitores hotu iha Timor laran no rai liur atu nune’e bele partisipa iha eleisaun ne’e ho diak.

“Ami tenta ona atu halo edukasaun sivika ba eleitores sira hotu para mantein partisipasaun iha eleisaun ne’ebe mak agora atu halo,” dehan Alcino.

Edukasaun sivika ne’ebe atu halo ba Timoroan sira ne’ebe iha rai liur mak hanesan, Australia, Inglaterra. Koreia no seluk tan.

Nia haktuir iha formasaun ne’e, CNE sei fo sai kona ba lalaok kona ba lei eleitoral nian ne’ebe durante ne’e aprova ona iha Parlamentu Nasional iha III lejislatura.

Editóra: Agida DOS SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here