Home nasional Gil da Costa Troka Milena Abrantes Iha RTTL.EP

Gil da Costa Troka Milena Abrantes Iha RTTL.EP

3130
0
SHARE
Gil da Costa. Photo: Google.com

By: Hortencio SANCHES

THETIMOR-NEWS.com, DILI – Konsellu Ministru (KM) iha nia reuniaun aprova ona Gil da Costa sai Prezidente Konsellu Administrasaun Radio no Telivizaun Timor – Leste Empreza Publiku (RTTL.ep) hodi troka Milena Abrantes ne’ebe sei termina nia mandatu iha 28 Janeiru 2018.

Gil da Costa eleitu hosi Konsellu Ministru hafoin Sekretariu Estadu Konsellu Ministru no Komunikasaun Sosial (SEKMKS) Matias Boavida hato’o naran lima ba konsellu ministru no naran Gil da Costa mak hetan aprovasaun.

Maski aprezenta naran 5 ba Konsellu Ministru, maibe Matias Boavida la kohi sira nain 4 seluk nia naran, wainhira jornalista tenta husu informasaun ne’e ba nia hafoin reuniaun konsellu ministru ohin lokoraik, Kinta (25/01/2018), iha Palacio da Governo.

informa, sira nia parte aprezenta kandidatu hamutuk nain 5, maibe iha inkontru ne’e, Primeiru Ministru (PM) Mari Alkatiri deside hili kandidatura Zil da Costa mak sai hanesan Prezidente Konsellu Administrasaun RTTL.ep.

“Prezidente aktual RTTL.ep nia mandatu sei termina iha 28 Janeiru agora tranba ne’e, SEKMKS aprezenta kadidatura hamutuk ema 4 ou 5 ida hanesan ne’e, hodi troka prezidente actual, maibe iha reuniaun ne’e koalia deside direitamente husi PM Alkatiri hodi hili Gil da Costa mak sai hanesan Prezidente hodi lidera instituisaun ne’e,” dehan Matias Boavida ba Jornalista sira.

Governante ne’e haktuir, Gil da Costa hanesan ema ida ne’ebe koinesimentu barak iha area komunikasaun social no tuir Matias Boavida pessoal ne’e merese asumi kargu numeru ida iha RTTL.Ep ne’e no fiar katak notisias RTTL.Ep ba oin sei kualidade diak liu tan.

Gil da Costa ne’ebe konesidu ho naran Naldo Rei iha background edukasaun master komunikasaun internasional iha Macquarie University. Nia esperensia servisu mos nudar eis media oficer iha gabinete eis primeiru ministru, eis media officer iha ONU no Uniaun Europeia.

Naldo Rei mos konesidu ho nia livru: Resistance: A Chilhood Fighting For East Timor.

Durante tinan 5 ba kotuk RTTL.ep, lidera husi Milena Abrantes ne’ebe nomeia husi V Governu Konstitusional iha 2014.

Editóra: Agida DOS SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here