Home dezenvolvimentu UNESCO Hakarak Tulun Jornalista Timoroan

UNESCO Hakarak Tulun Jornalista Timoroan

229
0
SHARE
Prezidente KI Virgilho Guterres husi ninin liman los no husi klaran Assesor komunikasaun UNESCO Ming Kuok-Lim esplika hela papel ba komunidade media Timor - Leste sira iha Tower Bar Dili. Photo: TTN/Evangelisto Santos

By: Hortencio SANCHES

THETIMOR-NEWS.com, DILI – Organizasaun Internasional UNESCO liu husi assessor komunikasaun no informasaun Ming Kuok- Lim hatete, UNESCO iha objetivu hakarak ajuda  no hasae diak liu tan kualidade profisional Jornalista Timoroan nian.

“Ami kontente apoiu komunidade media Timor – Leste. Tanba ida ne’e, ho sai parseiru Konsellu Imprensa nian espera iha rezultadu diak, ” dehan Ming iha nia diskursu iha inkontru hametin mekanizmu autoregulasaun media iha Timor – Leste periudu 2017-2020 iha Salaun Konferensia Tower Bar Dili, Kuarta (24/01/2018).

Iha fatin hanesan Prezidente KI Timor – Leste Virgilio Guterres hato agradese ba UNESCO tanba bele sai parseiru ho KI atu nune’e ba oin bele dezenvolve diak liu tan servisu media nian.

Nune’e, nia husu ba Jornalista hotu tenke hakruk ba kode etik ne’ebe iha ona atu halo knar ho profisionalismu.

“Jornalista tenke hakruk ba kode etik hodi halo knar, bainhira Jornalista kuandu halo tuir kode etik la presiza ona KI atu regula tan, nune’e ba instituisaun media sira hotu mos hanesan kuandu bele regula no rezolve problema iha nia instituisaun KI la presiza atu regula tan tanba lao tuir hela dalan ne’ebe los,” dehan Vrigilio.

Editór: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here