Home dezenvolvimentu PM Alkatiri Husu CFP Utiliza Edifisiu Foun ho Diak

PM Alkatiri Husu CFP Utiliza Edifisiu Foun ho Diak

269
0
SHARE

By: Hortencio SANCHES

THETIMOR-NEWS.com, DILI – Governu liu husi Primeiru Ministru (PM) Mari Alkatiri hamutuk ho nia membru balun halo inagurasaun ba edifisiu foun Komisaun Funsaun Publiku (CFP red.) Tanba ne’e, nia husu ba funsionariu hotu ne’ebe servisi iha CFP atu utiliza edifisiu ne’e ho responsabilidade no diak.

Iha diskursu PM Alkatiri husu ba Prezidente CFP Faustino Cardoso ho nia membru tomak atu utiliza fatin ne’e ho diak atu nune’e bele halo servisu estadu nian ho diak nune’e bele kontrola funsionamentu Funsaun Publiku.

“Hau kontente tanba CFP bele hetan ona edifisiu ida ne’ebe dignu hodi bele halo servisu ho diak atu nune’e bele kontrola servisu funsaun publiku nian hotu,” dehan PM Alkatiri iha salaun Edifisiu foun CFP Matadoru Dili, Kuarta (24/01/2018).

Iha fatin hanesan, Prezidente CFP Faustino Cardoso hatete, sente kontente tanba CFP bele iha ona fatin ne’ebe propriu hodi halo servisu, tanba durante ne’e sira halo servisu iha edifisiu ne’ebe ofrese husi Ministeriu Administrasaun Estatal maibe kondisaun la dun sufisiente.

“Ami sente kontente no orgullu tanba edifisiu ida ne’e furak no kapas tebes, nune’e ami promote bele utiliza edifisiu ne’e ho responsabilidade hodi halao servisu estadu nian,” dehan Faustino.

Prosesu konstrusaun ba edifisiu foun ne’e iha 2010 konstroi husi kompania Timor – Leste Independent Kompany (T-LINK) ne’ebe lidera husi Francisco Belo, maibe la konsege finaliza konstrusaun refere iha 2014 ho razaun laiha osan maski governu halo ona pagamentu.

Nune’e, Junu 2015 CFP buka dalan hodi hapara kompania T-LINK hodi loke fali tenderizasaun normal ba kompania ne’ebe mak iha intrese, iha oportunidade ne’e, Karya Timor mak hanesan manan nain ba tenderizasaun ne’e hodi kontinua obra to’o ohin loron finaliza.

Total orsamentu ba konstrusaun iha faze primeiru etapa ho montante 3 milaun resin no segunda etapa 1 milaun resin.

Maski edifisiu ne’e, agora daudaun prontu atu inagura, maibe CFP sei nafatin iha difikuldade ba uma nia kakuluk ne’ebe uluk kompania T-LINK halo laiha kualidade no bainhira udan makas sei tiru borus ba uma laran, nune’e sira nia parte hanoin ona oinsa bele buka meus atu proteze patrimoniu estadu ne’e ho diak.

Editóra: Agida DOS  SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here