Home nasional KHUNTO: Xanana Gusmao PM VIII Governu

KHUNTO: Xanana Gusmao PM VIII Governu

947
0
SHARE
Sekjer Partidu KHUNTO, Jose Agustinho garantia ba PR Lu Olo katak KHUNTO bele estabiliza governu foun ne'ebe sei lidera hosi PM Xanana Gusmao iha VIII Governu Konstitusional. Photo: TTN/Jose Agustinho

By: Jose SAMUEL

THETIMOR-NEWS.com, DILI – Partidu KHUNTO nudar partidu iha Aliansi Maioria Parlamentar (AMP) konkorda ona atu Kay Rala Xanana Gusmao asumi kargu Primeiru Ministru ba VIII Governu Konstitusional.

Tamba ne’e Sekretariu Jeral Partidu KHUNTO, Jose Agustinho informa, Partidu CNRT bele forma VIII Governu Konstituisional tamba hetan apoiu kadeira 35 iha Parlamentu Nasional.

“Ami sei fo’o konfiansa tomak ba Prezidente Partidu CNRT, Jose Alexandre Kay Rala Xanana Gusmão atu bele lidera VIII Governu, ami garante durasaun iha tempu fulan ida nia laran ami bele fo’o solusaun ba problema ne’ebe mak oras ne’e ita hotu infruenta,” dehan Jose Agustinho ba jornalista hafoin remata sorumutu ho Prezidenti Republika, Francisco Guterres Lu-Olo iha Palasio Prezidente Bairu-Pite Dili, Tersa (23/01/2018).

Jose Agustinho hateten tan, PR Lu Olo lalika duvida ona ho VIII Governu Konstitusional ne’ebe sei lidera hosi AMP, tamba ho kadeira ne’ebe iha PN, bele duni estabilidade governativa.

“Kadeira 35 signifika bele asegura estabilidade governativa,” nia dehan.

Iha Eleisaun Parlamentar 2017, Partidu KHUNTO konsege hetan kadeira 5 hodi hamutuk ho Partidu CNRT no PLP forma AMP.

Editór: Evangelisto SANTOS  I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here