Home nasional CNRT Prontu Forma VIII Governu Konstitusional

CNRT Prontu Forma VIII Governu Konstitusional

1055
0
SHARE
Sekretariu Jeral Partidu CNRT, Francisco Kalbuadi Lay koalia ba jornalista iha Palasiu Presidensial hafoin hasoru malu ho PR Lu Olo. Photo: TTN/Jose Samuel

By: Jose Samuel

THETIMOR-NEWS.com, DILI – Atu hakotu situasaun politika iha rai laran relasiona ho vida governasaun, Aliansi Maioria Parlamentar (AMP) ne’ebe lidera hosi Partidu CNRT prontu ona atu forma VII Governu Konnstitusional.

Prezidenti CDN-CNRT, Dionisio Babo dhn AMP prontu ona atu forma VIII Governu Konstitusional. Photo: TTN/Jose Samuel

Iha hasoru malu ho Prezidenti Republika (PR), lideransa Partidu CNRT ne’ebe reprezenta hosi Sekretariu Jeral Francisco Kalbuadi Lay, Prezidenti Konsellu Politik Nasional, Dionisio Babo no Xefi Bankada Arao Noe, partidu segundu mais votadu ne’e prontu ona atu lidera AMP forma governu foun hodi troka VII Governu Konstitusional.

Prezidenti Konsellu Politik Nasional CNRT, Dionisio Babo esklarese ba jornalista katak, AMP tenta ba PR Lu-Olo atu estabelese VIII Governu Konstituisional.

“Ami sei tenta, atu iha meus ida no rua hodi kompleta rekezitus hot-hotu, persiza atu estabelese Governu Foun,” dehan Dionisio Babo hafoin remata sorumutu ho PR Lu-Olo iha Palasio Prezidenti Bairo-Pite Dili, Tersa (23/01/2018).

Nune’e wainhira opsaun forma governu foun PR Lo-Olo la aseita, CNRT mos pronto hakat ba eleisaun antisipada.

“Ami sei kumpri no buka solusaun, interese vontade Timoroan tomak nian atu rezolve saida mak ita hotu sente iha momentu eleisaun ne’ebe liu ba,” dehan Sekretariu Jeral CNRT, Francisco Kalbuadi Lay.

Prezidente Bankada Partidu CNRT, Arão Noe hateten, PR Lu-Olo iha kompetensia atu desidi hodi dezolve Parlamentu Nasional ou forma governu foun.

“Dezisaun saida deit mak atu foti ne’e kompetensia PR Lu-Olo nian,” dehan Arão Noe.

Editór: Evangelisto SANTOS  I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here