Home nasional Assanami: Ukun Ne’e Povu Nian, Laos Lider Parpol

Assanami: Ukun Ne’e Povu Nian, Laos Lider Parpol

161
0
SHARE
Prezidenti PD, Mariano Assanami Sabino

By: Jose SAMUEL

THETIMOR-NEWS.com, DILI – Partidu Democratico (PD) kontinua husu ba lider nasional sira liliu ba partidu politiku (Parpol) nain 5 atu respeita povu nia dezisaun iha eleisaun parlamentar, tamba ukun ne’e povu nian. 

Prezidente Partidu Demokratiku, Mariano Assanami Sabino esplika katak, PD sempre espera katak Povu Timor-Leste ne’e matenek tebes fo’o ona nia votus ba partidu 5 ne’ebe laiha maioria absoluta, ne’e hatudu povu nia konsensia ba multipartidaria.

“Maibe se lideransia sira la konsege, ita bele fo’o fila fali ba povu tamba ukun ne’e povu nian. Ukun laos Partidus Politikus no Lidersa sira nian, ukun ne’e tranformasaun deit mai lideres partidus politiku sira atu servi povu,” hateten Assanami hafoin ho nia estrutura balun hasoru Prezidenti Republika (PR), Francisco Guterres Lu-Olo, Tersa (23/01/2018), iha Palasiu Prezidensial Aitarak Laran, Bairo Pite, Dili.

Nia hatutan, se lider partidu politiku sira la konsege kumpri multi partidus no prinsipiu ne’ebe kontribui ba konstrusaun estadu no nasaun nian, dalan ikus sei fila fali ba povu. Maibe, tuir nia dezisaun konaba Kontituisaun RDTL ne’e dezisaun PR nian.

“Partidu Demokratiku (PD), bele iha opiniaun oin-oin maibe final depende ba PR Lu-Olo,” dehan Assanami.

Iha Eleisaun Parlamentar 2017, PD hetan kadeira 7 no hamutuk ho partidu FRETILIN forma VII Governu Konstitusional.

Editór: Evangelisto SANTOS  I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here