Home nasional AMP Sei Hamutuk Iha Eleisaun Antesipada

AMP Sei Hamutuk Iha Eleisaun Antesipada

88
0
SHARE
Prezidente CNRT Kay Rla Xanana Gusmao husi klaran, liman los prezidente PLP Taur Matan Ruak no liman karuk konselleru superior Jose Naimori. Photo: espesial

By: Hortencio SANCHES

THETIMOR-NEWS.com, DILI – Partidu tolu ne’ebe hamutuk iha Aliansi Maioria Parlamentar (AMP) sei hamutuk wainhira mosu opsaun Eleisaun Antisipada.

“Ami sei lao hamutuk, no ami hakruk ba dezisaun saida mak ita nia Prezidente foti,” dehan Xefe bankada Partidu KHUNTO Luis Roberto ba Jornalista sira iha edifisiu Parlamentu Nasional (PN), Tersa (23/01/2018).

Maske nudar partidu foun iha Parlamentu Nasional, KHUNTO husu ba Prezidenti Republika atu foti dezisaun labele ses hosi konstituisaun ne’ebe nia mos hola parte iha kriasaun Konstituisaun RDTL ne’e.

Xefe Bankada CNRT Arao Noe hatete, CNRT mos prontu no halo tuir dezisaun saida mak Prezidente Republika (PR) Francisco Guterres Lu-Olo sei foti hodi fo solusaun ba politiku ne’ebe oras ne’e daudauk lao iha krize nia laran.

“PR kuandu deside opsaun ida ba Eleisaun Antesipada, CNRT prontu no AMP mos prontu. Tanba ida ne’e kompetensia Prezidente nian,” dehan Arao Noe.

Tuir nia, bainhira PR foti opsaun Eleisaun Antesipada tenke tetu halo didiak tanba sei iha kriteria balun ne’ebe sei priense hafoin hakat ba eleisaun.

Dadauk ne’e AMP kompostu hosi Partidu CNRT, PLP ho KHUNTO. Kadeira ne’ebe sira iha PN maka 35. Ho kadeira maioria ne’e mak halo Partidu koligasaun Governu, FRETILIN ho PD iha sira nia governasaun sedauk hetan aprovasaun ba sira nia program governu no orsamentu iha Parlamentu Nasional.

Editór: Evangelisto SANTOS  I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here