Home nasional Alkatiri: Eleisaun Antesipada Dalan Diak Liu

Alkatiri: Eleisaun Antesipada Dalan Diak Liu

2018
0
SHARE
Primeiro Ministro Mari Alkatiri. Photo: TTN/Jose Samuel

By: Jose Samuel

THETIMOR-NEWS.com, DILI – Sekretariu Jeral Partidu FRETILIN, Mari Alkatiri hateten, dalan diak hodi solusita tensaun politiku ne’ebe agora akontese mak eleisaun antisipada.

“Lei Konstituisaun Republika Demokratika Timor-Leste fo’o dalan ba Prezidenti Republika (PR) atu foti dezisaun ba eleisaun antisipada, sekuandu la foti, se mak atu lori krize mai iha rai doben ida ne’e,” dehan Alkatiri hafoin remata sorumutu ho PR Francisco Gterres Lu-Olo iha Palasio Prezidente Bairu-Pite Dili, Tersa (23/01/2018).

Nia afirma, bainhira la mosu eleisaun antesipada hodi hakat ba formasaun governu unidade nasional sira nia parte sei la asseita.

“Sekuadu la akontese eleisaun antisipada, FRETILIN sei la aseita ho Governu Unidade Nasional, laiha tan opsaun seluk atu foti, dalan diak mak tenki eleisaun antisipada,” deklara Alkatiri.

Nia hatutan, bainhira mosu eleisaun antesipada, FRETILIN sei tun mesak hodi halo kampaina atu nune’ebe bele manan mesak, maibe forma governu sei hamutuk nafatin ho Partidu Demokratiku (PD).

Antes ne’e PD, liu husi nia Prezidente Mariano Assanami Sabino deklara, sira nia parte sei hamutuk no hamrik iha FRETILIN nia sorin hodi hasoru kualker situasaun ne’ebe akontese.

Iha Eleisaun Parlamentar 2017, Partidu FRETILIN sai vensedor ho kadeira 23. Ho kadeira ne’e FRETILIN lao hamutuk ho Partidu Democratico ne’ebe iha kadeira 7 hodi forma VII Governu Konstitusional.

Maibe iha nia vida governasaun, VII Governu Konstitusional ne’ebe lidera hosi Primeiru Ministru Mari Alkatiri nia programa governu no orsamentu la hetan aprovasaun tamba lakon ho votos ne’ebe hetan kontra 35 hosi Aliansi Maioria Parlamentar ne’ebe kompostu hosi Partidu CNRT, PLP no KHUNTO.

Editór: Evangelisto SANTOS  I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here