Home nasional PM Alkatiri Deklara Sei la Debate Mosaun Sensura

PM Alkatiri Deklara Sei la Debate Mosaun Sensura

2399
0
SHARE
PM Alkatiri esplika hela programa VII Governu ba deputadu sira iha PN, Segunda (16/10/2017). Photo: TTN/Hortencio Sanches

By: Hortencio SANCHES

THETIMOR-NEWS.com,  DILI – Primeiru Ministro (PM) Mari Alkatiri deklara, nia parte marka prezensa iha Parlamentu Nasional (PN) iha 31 Janeiru 2018 laos halo debate ba mosaun sensura, maibe atu dehan ba opozisaun Aliansa Maioria Parlamentar (AMP) kona ba mosaun ne’ebe sira hatama iha meritus ou lae.

“Hau ba iha PN para atu hatete ba sira katak, mosaun ne’e iha meritu ka laiha meritu, ida ne’e deit mak hau atu hatete ba sira laiha halo debate,” dehan PM Alkatiri ba Jornalista sira iha hafoin halo inspesaun ba edifisiu foun Komisaun Funsaun Publiku (CFP red), Matadoru Dili, Segunda (22/01/2018).

Tuir AMP, mosaun Sensura ne’ebe sira hatama ho objetivu katak, sira nia parte la fiar ona governu ne’ebe lidera husi PM Alkatiri tanba minoria no laiha responsabilidade hodi  lori programa daruak nian fila ba PN hodi halo debate. Tanba ne’e, prosesu hotu ne’ebe mak AMP halo bazeia ba konstituisaun.

Hatan ba kestaun hirak ne’e PM Alkatiri dehan, nia parte involve bainhira halo konstituisaun, nune’e iha konstituisaun la koalia maioria hodi halo golpe no hadau poder.

Hare ba prosesu politiku hahu hosi formasaun VII Governu Konstitusional no meza PN to ohin loron seidauk lao iha ideia ne’ebe hanesan, oras ne’e daudaun kompleta ona fulan 6, ho nune’e Prezidente Republika (PR) hanesan aman ba nasaun, iha ona hanoin hodi haruka karta ba lideransa partidu 5 ne’ebe hetan asentu iha PN, bele tur hamutuk ho PR hodi buka solusaun ba situasaun politiku ne’ebe agora daudaun lao hela.

“Hau mos simu ona karta hosi PR, maibe laos dehan atu halo renegosiasaun, maibe dehan atu rona partidu hotu-hotu, nia (PR, red) la dehan renegosiasaun,” dehan PM Alkatiri.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here