Home dezenvolvimentu Heineken Investe Miliaun USD 38 ba Plantasaun Multi Bebidas

Heineken Investe Miliaun USD 38 ba Plantasaun Multi Bebidas

2020
0
SHARE
Fabrika Heineken Timor SA ne'ebe harii iha Hera, Dili, Timor-Leste. Photo: Dok Heineken

By: Hortencio SANCHES

THETIMOR-NEWS.com, HERA – Kompana Serveja Heineken gastu osan miliaun USD 38 hodi halo investimentu ba plantasaun multi bebidas ne’ebe harii ba Heineken Timor SA iha Hera, Autoridade Munisipiu Dili.

Prezidenti Heineken Azia Pasifiku, Frans Eusman akompana nia dirijenti iha Timor-Leste hasai foto hamutuk PM Alkatiri hafoin inagura Plantasaun Multi bebidas Heineken nian iha Hera, Dili, Tmor-Leste. Photo: TTN/Jose Samuel

Plantasaun multi bebidas Heineken nian ne’e hetan ona inagurasaun hosi Primeiru Ministru (PM) Mari Alkatiri no Prezidente Heineken ba Azia Pasifiku, Frans Eusman.

Tuir Frans Eusman, Heineken hanesan investor estrangeiru primeiru maka investe iha setor fabrikasaun iha Timor Leste.

“Milloens 38 dollar amerikanu maka kompania ne’e uza hodi harii plantasaun fabrika klase mundial hodi produz serveja oi oin ho marka internasional hanesan Bintang, Tiger, ABC,  no bebidas laos alkohol seluk tan,” dehan Frans iha komunikadu imprensa.

Prezidente Heineken ba Azia Pasifiku Frans Uusman Heineken asina akordu investimentu ho governu iha Janeiru 2015 no asina akordu ba rai no plantasaun Hera iha Junu 2015, no produsaun hahu iha Janeiru 2017.

“Ho ispiritu entrepreneurial nebe ami avalia ba ami nia investimento iha tinan 2013 kotuk ami hetan impresaun diak ho maturidade ekonomiku no politiku nasaun nee nian ba jere nia rikosoin mina liuhosi fundo rikeza soberano ida,  no investimentu harii infraestutura iha longo prazu sei hadiak moris povu nian,”dehan presidente heineken liuhosi komunikado.

Heineken Timor SA, kria empregu direta no indireta ba ema liu 600, liuhosi supplier lokal,  distributor no transpotador sira hahu hosi tinan 2015 too agora.

Heineken hanesan serveja internasional liu iha mundu ho marka sidra liu hosi 250,no faan iha nasaun 170 resin.

Istoria heineken hahu iha tinan 1864, bainhira Gerard Adrian Heineken ho idade tinan 22 sosa serveja ida ho naran de Hooiberg iha Amsterdam no kompana nee halo espansaun mai asia iha tinan 1929.

Editór: Evangelisto SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here