Home nasional CFP Planu Kria Regulamentu ba Funsionariu Kazuais

CFP Planu Kria Regulamentu ba Funsionariu Kazuais

136
0
SHARE
Edifisiu CFP ne'ebe harii iha area Matadouro Dili. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Prezidente Komisaun Funsaun Publiku (CFP, red) Faustino Cardoso hatete, oras  ne’e daudaun sira nia parte iha ona hanoin atu tau regulamentu ba instituisaun estadu nian hotu atu nune’e bele regula funsionariu kazuais hirak ne’ebe rekruta la liu husi funsaun publiku nia liman.

“Funsionariu pessoais kazuais ne’e, fora husi kompetensia funsaun publiku ninian tanba hahu kedan husi rekrutamentu ba avaliasaun ne’e kompetensia husi ministeriu ida-idak ninian, maibe ida ne’e problema ida kuandu ita la regula mak to tempu ida bele tau risku sustentabilidade finanseiru bele lori estadu ida ne’e, monu ba perigu bo’ot,” dehan Faustino ba Jornalista sira iha, edifisiu foun CFP Matadoru Dili, Segunda (22/01/2018).

Nia hatutan, regulementu ne’ebe mak atu halo hodi hare’e ba istituisaun hirak ne’ebe halo rekrutamentu ba funsionariu kazuais bele to pursentu hira kompara ho funsionariu permanente.

“Funsionariu kazuais ne’e to tempu ida nia kontratu hotu ne’e nia para ona, keta halo nia halao servisu hirak ne’ebe mak memoria institusional bainhira ita buka fali la hetan tanba ema ne’ebe halo servisu ida ne’e sai tiha ona, tanba ne’e mak ita sei regula oinsa halo rekrutamentu hodi hatene los persentajen hira mak ita atu rekruta,” dehan Faustino.

Nia haktuir, hosi primeiru, CFP mosu seidauk iha regulamentu ida hodi regula funsionariu hirak ne’e. Tanba ne’e mak sira nia parte planu ona iha tempu badak harii regulamentu ne’e atu bele salva finansiamentu estadu labele monu ba risku.

“Ita ohin loron iha deit dekretu governu No. 6/2015 konaba kontatasaun termus sertu ba assesores sira maibe for a husi ida ne’e seidauk iha rejime ida, ho nune’e mak komisaun hamosu ona rejime kontratasaun formiza ba instituisaun hot-hotu hare mos importansia assegura finanseira estadu nune’e bele ijiji mos kona ba responsabilidade sira nia servisu.

Dadauk ne’e, funsionariu kazual hamutuk 6 mil resin, ajente administrasaun publiku 4 mil resin no funsionariu permanente 26 mil resin.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here