Home dezenvolvimentu PM Alkatiri: Edukasaun Papel Importante

PM Alkatiri: Edukasaun Papel Importante

310
0
SHARE
PM Alkatiri hamutuk ho Embaxadora EUA Kathleen Fitzpatrick, halo hela hela inagurasaun ba Eskola Ensino Baziku 1,2,3 Liquica Vili. Photo: TTN/Hortencio Sanches

By: Hortencio SANCHES

THETIMOR-NEWS.com, LIQUISA – Primeiro Ministro (PM) Mari Alkatiri hatete, edukasaun hanesan papel importante ba Timor – Leste hodi bele lori nasaun ne’e ba oin, tanba atu halo dezenvolvimentu presiza ema ne’ebe iha kapasidade no matenek.

“Edukasaun ne’e importante tebes, ita nia oan sira barak ba bebeik entaun presiza duni edukasaun ida ne’ebe kualidade,” dehan PM Alkatiri hafoin halo inagurasaun ba Eskola Ensino Baziku 123 Liquica Vila, Munisipiu Liquisa ne’ebe konstroi husi Forsa Naval Estadus Unidos America, Sexta (19/01/2018).

PM Alkatiri akompanha hela husi Forsa Marino EUA iha eskola Ensino Bazico Liquica Vili hafoin halo inagurasaun. Photo: TTN/Hortencio Sanches

Xefe governu hatutan, oras ne’e daudaun Timor – Leste sei menus ekipamentu edukasaun, maibe ba oin governu garante sei hadia no rezolve problema hirak ne’e hodi tau kondisaun ne’ebe diak no laiha diskriminasaun ba ema se-se deit.

Liu husi ajudu komunitariu ne’ebe mak Forsa EUA halo ba Timor – Leste signifika Governu Australia sei tau importansia nafatin mai povu no estadu Timor – Leste.

“Lori povu hotu nia naran hato’o obrigadu ba governo America tanba fo atensaun bo’ot tebes ba estadu no povu Timor – Leste, nune’e hau fiar katak ba oin sei sai diakliu tan,” dehan PM Alkatiri.

Embaxadora EUA akompaina husi Forsa Marino EUA koalia hela konaba prosesu halo konstrusaun eskola ensino Bazico 1,2,3 Liquica Vila. Photo: TTN/Hortencio Sanches

Iha fatin hanesan, Embaixadora EUA iha Timor – Leste, Kathleen M. Fitzpatrick hatete, ajuda ne’ebe mak Governu EUA halo atu hametin liu tan relasaun entre rai rua.

“America apresia ba Forsa sivil Timor –Leste nian, hau kontente los mai  iha fatin ida ne’e atu hare saida mak EUA atu ajuda tan ba Timor – Leste atu nune’e bele halo povu EUA ho Timor bele servisu hamutuk, liu husi eskola foun ne’ebe mak halo on abele fasilita diak liu tan labarik sira nia estudu,” dehan Kathleen.

Nune’e nia fiar katak, servisu hamutuk entre Forsa EUA ho Forsa Timor – Leste no parseiru sira seluk bele hadia diak liu tan povu iha nasaun ne’e nia moris liu-liu iha area edukasaun no Saude.

Editór:  Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here