Home dezenvolvimentu Semana Oin, CFP Inagura Edifisiu Foun

Semana Oin, CFP Inagura Edifisiu Foun

563
0
SHARE
Edifisiu CFP ne'ebe harii iha area Matadouro Dili. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Konstrusaun edifisiu Komisaun Funsaun Publiku (CFP, red) ne’ebe remata ona sei entrega ba governu nune’e bele halo inagurasaun.

Prezidente CFP, Faustino Cardoso informa, semana oin nia parte ajenda ona atu halo seremonia inagurasaun ba sira nia edifisiu foun.

“Edifisiu prinsipal CFP nian agora purvolta 99.9 ital pursentu ona konklui tiha ona tentativamente para atu halo inagurasaun iha Kuarta (24/01) semana oin, ida ne’e mak ohin ami mai hato’o ba Primeiru Ministru,” dehan Faustino ba Jornalista sira hafoin remata sorumutu ho PM Mari Alkatiri iha Palacio do Governo, Kinta (18/01/2018).

Ema numeru ida iha CFP ne’e haktuir, maski sira nia edifisiu principal iha ona, maibe tuir nia espasu hosi edifisiu ne’e rasik limitadu.

Nia hatutan, hahu husi CFP eziste, laiha edifisiu ba sira hodi halao servisu, maibe uza deit edifisiu husi Ministeriu Administrasaun Estatal no uma hirak ne’ebe husik hela husi Uniao Europea (UE) ho kondisaun ne’ebe fo risku ba funsionariu hirak ne’ebe servisu iha laran.

Prosesu konstrusaun ba edifisiu foun ne’e iha 2010 konstroi husi kompania Timor – Leste Independent Kompany (T-LINK) ne’ebe lidera husi Francisco Belo, maibe la konsege finaliza konstrusaun refere iha 2014 ho razaun laiha osan maski governu halo ona pagamentu.

Tanba ne’e, Junu 2015 CFP buka dalan hodi hapara kompania T-LINK hodi loke fali tenderizasaun normal ba kompania ne’ebe mak iha intrese, iha oportunidade ne’e, Karya Timor mak hanesan manan nain ba tenderizasaun ne’e hodi kontinua obra to’o ohin loron finaliza.

Total orsamentu ba konstrusaun iha faze primeiru etapa ho montante 3 milaun resin no segunda etapa 1 milaun resin.

Maski edifisiu ne’e, agora daudaun prontu atu inagura, maibe CFP sei nafatin iha difikuldade ba uma nia kakuluk ne’ebe uluk kompania T-LINK halo laiha kualidade no bainhira udan makas sei tiru borus ba uma laran, nune’e sira nia parte hanoin ona oinsa bele buka meus atu proteze patrimoniu estadu ne’e ho diak.

Editóra: Agida DOS  SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here