Home dezenvolvimentu PNTL Husu Joven Sai Nain ba Nia Rain

PNTL Husu Joven Sai Nain ba Nia Rain

314
0
SHARE
Komandante Jeral PNTL, Komisariu Julio Hornai (liman karuk) akompana nia adjuntu Komisariu, Faustino da Costa koalia ho jornalista hafoin hasoru malu ho PR Francisco Guterres Lu-Olo. Photo: TTN/Jose Samuel

By: Jose Samuel

THETIMOR-NEWS.com, DILI – Polisia Nasional Timor-Leste (PNTL) nudar instituisaun seguransa apela ba joven hotu atu sai nain ba nia rain ho kontribui deretamente ba ambiente moris paz no hakmatek.

Komandante Jeral PNTL, Julio Hornai. Photo: TTN/Jose Samuel

Komandante Jeral PNTL, Komisariu Julio Hornai fo hanoin ba joven sira nudar jerasaun future nasaun nian atu kontinua focus ba nia atividade estuduno atividade balun ne’ebe halao hela.

“Nu’udar komandante jeral lori instituisaun nia naran atu fo’o hanoin ba joven sira hotu hamutuk sai nain ba nasaun Timor-Leste, siguransa atu asegura rai doben ida ne’e depende ba ema nudar timoroan” hateten Komisariu Julio Hornai ba jornalista sira hafoin remata surumutu ho Prezidente Republika, Francisco Guterres Lo-Olo iha Palasio Prezidenti Bairo-Pite Dili, Kinta (18/01/2018).

Nia hatutan,“Karik iha negosiu ruma atu hamos to’os ga halai natar, ba deit hodi sustenta moris nian ba ida-idak nia a’an no ba familia iha uma kain laran, atu nune’e moris bele iha paz no estabilidade”.

Tamba ne’e fo husu nafatin ba joven sira diak liu lalika komete problema ne’ebe maka la fo’o benefisiu.

“Diak liu hakmatek atu halao aktividade lor-loron nian, hodi hatudu ba mundu tomak katak timoroan mos bele liberta ou asegura no bele asegura nia rain sai paz no estabilidade, atu nune’e nai ulun sira bele konsentra ba desizaun saida mak atu foti ba Povu Timor-Leste,” nia dehan.

Iha hasoru malu ho PR Lu-Olo, Komisariu Julio Hornai ne’ebe akompana nia vise Faustino da Costa koalia mos situasaun seguransa rai laran nian.

Alende ne’e, koalia mos asuntu osan deadezimu ne’ebe aloka ba PNTL ne’ebe tuir nia, maski orsamentu limitadu, maibe instituisaun ne’e prontu ezekuta tuir osan ne’ebe sei aloka.

Editór:  Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here