Home nasional Governo Sei Asina Akordu Extradisaun ho Nasaun Vizinu

Governo Sei Asina Akordu Extradisaun ho Nasaun Vizinu

255
0
SHARE
Ministro Negosiu Estrangeiro no Koperasaun. Aurelio Guterres Photo: Google.com

By: Hortencio SANCHES

THETIMOR-NEWS.com, DILI – Evita kriminozu sira ne’ebe hetan ona prosesu judisiariu iha Timor-Leste ne’ebe halai ba rai liur lori governu hanoin ona atu halo akordu extradisaun ho nasaun vizinu sira.

Ministru Negosiu Estranjeiru no Koperasaun (MNEK), Aurelio Guterres hatete, oras ne’e daudaun sira nia parte estuda hela oinsa bele halo asina akordu extradisaun ho nasauun hirak ne’ebe oras ne’e daudaun halo koperasaun diak ho Timor – Leste liu-liu nasaun sira ne’ebe vizinhu hanesan Australia no Indonezia.

“Assina extradisaun ho nasaun sira hotu mak agora governu sei estuda hela atu nune’e ba oin bele halo,” dehan ministro Aurelio Guterres ba THETIMOR-NEWS iha Timor Plaza, Kinta (18/01/2018).

Durante ne’e iha kazu rua ne’ebe sai preokupasaun publiku, tamba ema hirak ne’ebe komite kazu iha Timor-Leste hetan ona prosesu judisiariu konsege halai ba rai liur no labele halo kapturasaun tamba laiha akordu extradisaun.

Izemplu kazu eis Ministra Finansas, Emilia Pires ne’ebe halai ba Portugal, tamba deit iha pasporte ba sidadaun Portugal, inklui kazal Portugues nain 2 ne’ebe halai ba Australia no ikus konsege too ba sira nia rai iha Portugal.

Editór:  Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here