Home nasional Aniceto:  Plenaria Laos Fatin Trata Malu

Aniceto:  Plenaria Laos Fatin Trata Malu

239
0
SHARE
Prezidenti Parlamentu Nasional, Aniceto Guterres. Photo: TTN/Jose Samuel

By: Jose SAMUEL

THETIMOR-NEWS.com, DILI – Prezidente Parlamentu Nasional (PPN), Aniceto Guterres hatete, plenaria laos fatin atu halo deklarasaun hodi trata malu, maibe atu koalia asuntu hirak ne’ebe klaru.

Deputadu IV lezislatura sira halao debate iha uma fukun PN. Photo TTN/Hortencio Sanches

“Plenaria kuandu iha assuntu ou orden do dia mak bele marka plenaria, plenaria ne’e atu halo deklarasaun ne’ebe los, laos ida

-idak atu ba tratamalu no halo intrepretasaun, maibe plenaria para halo deliberasaun no asuntu tenke koalia klaru,” dehan Aniceto hafoin remata sorumutu ho Prezidente Rep;ublika Francisco Guterres Lu- Olo iha Palasio Prezidensial Bairu – Pite Dili, Kinta (18/01/2018).

Nune’e deputadu sira iha PN liu-liu parte opozisaun akuza PPN Aniceto tauk no subar no halai lakon husi PN.

Prezidenti Parlamentu Nasional, Aniceto Guterres. Photo: TTN/Jose Samuel

Hatan ba kestaun ne’e, PPN Aniceto dehan, “”Hau Aniceto Guterres sei la tauk, ne’ebe hau sei la subar husi Parlamentu Nasional”.

Antes ne’e, bankada opozisaun AMP halo kritika makas hasoru PPN Aniceto tanba kontra ona rezimentu PN hodi la halao plenaria iha loron segunda no tersa.

Tanba ne’e, AMP konsidera PPN la imparsial no la halo tuir nia deklarasaun bainhira kandidatu sai hanesan Prezidente.

Tuir sira, PPN la bo’ot liu plenaria, tanba PPN hanesan deputadu baibain hodi sai xefe ba deputadu hotu maibe plenaria mak soberanu.

Entretantu, durante ne’e, AMP hatama ona agenda rua ba meza PN hanesan mosaun sensura hasoru governu tanba lalori fila programa daruak hodi debate no ida seluk destituisaun ba PPN Aniceto tanba sira nia parte laiha ona konfiansa ba PPN.

Editór:  Evangelisto SANTOS I COPYRIGHT THETIMORNEWS © 2018

 

LEAVE A REPLY

Please enter your comment!
Please enter your name here