Home dezenvolvimentu Abilio Araujo Preokupa ho Situasaun Politik

Abilio Araujo Preokupa ho Situasaun Politik

601
0
SHARE
Abilio Araujo, Jerasaun 1975. Photo: TTN/Jose Samuel

By: Jose Samuel

THETIMOR-NEWS.com, DILI – Situasaun politik rai laran ne’ebe fo impaktu ba atividade governu nian tamba hetan kontra hosi Parlamentu Nasional ba governu nia programa no orsamentu, lori jerasaun 1975, Abilio Araujo preokupa hotu ho situasaun ida ne’e.

Abilio Araujo, Jerasaun 1975. Photo: TTN/Jose Samuel

Preokupasaun ne’e mak lori Abilio Araujo koalia wainhira hasoru malu ho Prezidente Republika, Francisco Guterres Lu-Olo.

“Preukupasaun durante ne’e mak hanesan situasaun rai laran, inserteza politika, ida mos konaba klima investimentu ba dezenvolvimentu ekonomia ne’ebe la favoravel,” dehan Abilio ba jornalista sira iha Palasiu Presidensial, Bairo-Pite, Dili, Kinta (18/01/2018).

Abilio Araujo iha formasaun VII Governu Konstitusional sai sasin ba koligasaun ne’ebe halo hosi Partidu FRETILIN ho Partidu Democratico (PD). Alende Abilio Araujo ne’ebe reprezenta jerasaun 75 nian ba formasaun governu refere, iha mos Jose Ramos Horta ne’ebe ikus iha governu PM Mari Alkatiri nian sai Ministru Estadu Konselleru Seguransa Nasional.

Abilio Araujo antes ne’e konsege harii nia partidu ho naran Partidu Nasional Timorense (PNT) ne’ebe iha Assembleia Konstituante tinan 2002 konsege hetan assent iha Parlamentu Nasional ne’ebe reprezenta hosi nia alin Alianca de Araujo.

Dadauk ne’e Abilio Araujo focus liu ba nia atividade emprezarial hodi kontribui mos ba dezemvolvimentu Timor-Leste.

Editór:  Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here