Home dezenvolvimentu Suku 100 Seidauk Assesu Eletrisidade

Suku 100 Seidauk Assesu Eletrisidade

203
0
SHARE

By: Hortencio SANCHES

THETIMOR-NEWS.com, DILI – Ministru Adjuntu Primeiru Ministru, Jose Reis hatete, oras ne’e daudaun sira nia parte identifika ona suku 100 resin iha Timor – Leste seidauk assesu ba eletrisidade.

Governante ne’e afirma, tuir identifikasaun sira nian tun ba iha baze hatudu, suku maioria 80% assesu ona eletrisidade maibe, ba oin governo nafatin halo servisu makas hodi rezolve suku hirak ne’ebe seidauk assesu ba eletrisidade.

“Tuir ami nia identifikasaun hatudu katak, suku barak mak eletrisidade seidauk tama mais oumenus 100 ida hanesanne’e mak  seidauk assesu maibe ba oin  ami tenta identifika nafatin atu nune’e povu hotu bele assesu ba eletrisidade,” dehan Jose Reis ba Jornalista iha Palasio Governo, Kuarta (17/01/2018).

Nia akresenta, oras ne’e daudaun governo lao hela ho orsamentu duadesimu. Tanba ne’e osan ne’ebe iha la bele responde hotu ba problema  hirak ne’ebe akontese, maibe sira sei koko atu ezolve tuir kapasidade ne’ebe agora dadauk governu ne’e iha.

“Agora ita hare, governu ida agora uza deit duadesimu, buat hotu ne’ebe mak problema ita labele rezolve ho miloes de dolar, ita labele rezolve deit  ho kompainia, maibe oinsa mak ita bele organiza populasaun atu partesipa hotu iha prosesu dezenvolvimentu ida ne’e,” dehan Jose Reis.

Bainhira notisia ne’e publika, THETIMOR-NEWS seidauk halo konfirmasaun ho parte Eletrisidade de Timor – Leste (EDTL) kona ba suku 100 ida ne’ebe to agora seidauk assesu eletrisidade.

Editóra: Agida DOS  SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here