Home dezenvolvimentu Lere Informa Problema Lojistika ba PR Lu-Olo

Lere Informa Problema Lojistika ba PR Lu-Olo

209
0
SHARE
Maijor General Lere Anan Timur. Photo: google

By: Jose Samuel

Thetimor-News.com, DILI –  Xefe Estadu Maior das Forças Armada F-FDTL, Maijor Jeneral Lere Anan Timur hasoru malu ho Prezidente Republika, Francisco Guterres Lu-Olo hodi koalia konaba difikuldades ne’ebe maka Forcas Armadas infrenta.

“Difikuldades ou problema ne’ebe mak forsa armada sira infrenta mak transporte no komunikasaun no problema lojistika nian,” dehan Lere ba Jornalista sira hafoin remata sorumutu ho Prezidente Republika (PR) Francisco Guterres Lu-Olo iha Palasio Prezidensial Bairo-Pite Dili, Kuarta (17/01/2018).

Nia haktuir, oras ne’e daudaun instituisaun F-FDTL iha munisipiu, Fronteira, maritime hanesan Oecuse no Atauru.

Maski hasoru difikuldade hirak ne’e, ema numeru ida iha F-FDTL ne’e sei garante sira nia parte sei fo seguransa ba nasaun no komunidade ho diak.

“F-FDTL kuandu halo servisu ba iha munisipiu sempre hetan osan 10 dolar loron ida, diferente tebes ho funsionariu sira kada loron lao ba munisipiu 40 dolar, deputadu sira 80 dolar no ministru sira dalaruma mos simu 100 dolar, hau hanoin ida ne’e, injustisa maibe ba forsa hanesan lutu ba nasaun hakarak ka lakoi tenke simu no kumpri,” dehan Lere.

Tanba ne’e, Lere husu ba governu tenke rejolve situasaun ne’e, atu nune’e forsa sira bele simu osan hanesan ho funsionariu sira maski la bo’ot hanesan deputadu no ministru sira.

Nia hatutan, F-FDTL hanesan lutu ba nasaun no povu hakarak ou lakoi tenke halo knar ho diak maski hetan osan ne’ebe naton.

Editóra: Agida DOS  SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here