Home dezenvolvimentu Fornese Internet Baratu, TELIN Hakarak Investe Kabu Submarinu

Fornese Internet Baratu, TELIN Hakarak Investe Kabu Submarinu

257
0
SHARE

By: Hortencio SANCHES

THETIMOR-NEWS.com, DILI – Hare’e ba folin internet ne’ebe karun teb-tebes iha Timor-Leste tamba uza satellite nian, Telkom Internasional (TELIN) nudar operador telekomunikasaun ida iha Timor-Leste, iha hanoin tan hodi investe kabu submarine iha rai ne’e.

Investimentu kabu submarinu ne’ebe TELIN hanoin, sei dada hosi Atambua, Provinsia Nusa Tenggara Timur (NTT) ne’ebe fronteira deretamente ho Timor-Leste iha terreste nian.

Tuir CEO TELKOMCEL, Yogi Rizkian Bahar planu investimentu ba kabu submarinu ne’e mak nia koalia ona ho Primeiru Ministru Mari Alkatiri, Tersa (16/01/2018), iha Palacio do Governo, Dili.

“Ami hatene katak internet iha Timor-Leste karun teb-tebes, tamba iha ne’e uza satellite, karik ita uza kabu submarinu entaun presu internet sei baratu liu tan,” dehan Yogi ba jornalista sira.

Iha nia hasoru malu ho PM Alkatiri, planu TELIN nian ne’e hetan resposta pozitivu hosi xefi governu, no fiar katak depois inkontru ikus ho PM Alkatiri, governu Timor-Leste sei fo lisensa ba sira nune’e bele hahu ona investimentu refere.

“Governu fo lisensa ona mai, ami iha Janeiru no Febreiru, entaun projeitu ida ne’e sei hotu iha Agostu 2018,” dehan Yogi.

Editór: Agida DOS SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here