Home dezenvolvimentu Nivio: Fo Kontratu Atu Halo Servisu Laos Tanba Familia

Nivio: Fo Kontratu Atu Halo Servisu Laos Tanba Familia

625
0
SHARE
Sekretariu Estadu Juventude Traballu. Nivio Magalhaes, Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Sekretariu Estadu Juventude Traballu (SEJT) Nivio Magalhaes hatete, instituisaun ne’ebe deit presiza ema fo kontratau atu halo servisu ba nasaun laos tan familia. Tanba ne’e nia parte sei la tolera ho hahalok sira ne’ebe tama servisu tanba familia iha laran.

“Iha ne’ebe  deit ita kuandu atu servisu ne’e, tenke iha CV, tenke liu husi prosesu ida, maibe ita kuandu kontrata ema ida ne’e tanba ita presiza laos tanba deit familia bolu malu hodi fo servisu maibe buat hotu tenke lao tuir nia dalan,” dehan Nivio ba Jornalista sira iha nia knar fatin Caicoli, Segunda (15/01/2018).

Nia hatutan, oras ne’e daudaun Timoroan barak buka hela servisu maibe laiha oportunidade atu hetan, nune’e ne’e nia parte lakoi atu hatam ema servisu arbiru maibe la halo buat ida.

“Nudar Governante hau tenke tau importansia ba povu nia halerik, laos tau importansia ba interese privado no grupu balun deit,” dehan Nivio.

Antes ne’e, funsionariu kontratadu balun ne’ebe servisu iha instituisaun ne’ebe nia lidera, barak mak laiha dokumentu servisu nian hanesan CV no seluk tan.

Hare ba kestaun hirak ne’e, lider jerasaun foun ne’e, afirma nia parte hakarak halo servisu ho neon mos no laran  mos hakarak oportunidade tenke fahe ba ema hotu maibe tuir dalan legal ne’ebe make ma hotu hakarak nune’e bele servi povu tomak.

Editóra: Agida DOS SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here