Home dezenvolvimentu Joven Timoroan Lamenta Atendimentu Embaixada Portugal

Joven Timoroan Lamenta Atendimentu Embaixada Portugal

500
0
SHARE
Joventude Timoroan sira halo asaun protesta hasoru hela Embaixada Portugal ne'ebe durante ne'e budu hela sira nia dokumentu ne'ebe mak pendente. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Joven Timoroan barak ne’ebe loron ba loron forma iha Embaixada Portugal nia oin, atu trata dokumentu hanesan Bileti Identidade hodi bele sai sidadaun Portugal, nune’e bele ba servisu iha Inglaterra no Irlandia senti triste no nervozu tanba embaixada atende sira la ho diak.

Laurentino Tavares hanesan Joventude ida ne’ebe hahu husi, 2015 trata dokumentu iha embaixada Portugal  sente triste no nervozu tan durante ne’e, embaixada budu hela sira nia dokumentu ne’ebe mak haruka ona husi Portugal mai.

Dokumentu ne’ebe durante ne’e, embaixada Portugal rai hela lakoi fo ba nain. Photo: TTN/Hortencio Sanches

“Sira durante ne’e tahan hela hau nia dokumentus ne’ebe atu halo prosesu ba narativa ninian, ho razaun dehan katak hau nia inan sarani, aman sarani no amu ida sarani hau ne’e nia assinatura mak laiha, maibe hau la simu mak dokumentu ne’e haruka husi Portugal mai ne’e iha kedan 15 Febreiro 2017 maibe sira sei budu hela la fo mai ami para hadia, loron loron ami mai sira dehan laiha deit,” dehan Laurentino ba Jornalista sira iha Embaixada Portugal Dili, Segunda (15/01/2018).

Laurentinu hatutan, dokumentu ne’ebe nia konsege hetan iha Embaixada laran tanba nia hatudu forsa hodi dudu odamatan hodi tama ba

Joven Timoroan sira iha Embaixada Portugal nia oin. Photo: TTN/Hortencio Sanches

laran foin identifika hetan nia dokumentu ne’ebe durante ne’e haruka ona husi Portugal mai atu sira hadia.

“Ida hau hetan ne’e, tanba hau uza forsa dudu odamatan tama ba malae iha laran, adidu defeza  iha laran fo autorizasaun bah au para tama duni ba laran hodi hare hau nia dokumentu, bainhira hau tama ba sira hatudu dehan ita bo’ot nia dokumentu mak ne’e sei sala hela, ne’e mak halo hau nervozu liu tan, nusa durante fulan 10 hau mai xek ne’e ita bo’ot sira la fo hatete para hau ba hadia sei budu nafatin iha ne’e halo saida,” dehan Laurentino.

Hare ba kestaun hanesan ne’e, Jornalista tenta atu halo intervista ho Embaixada Portugal nian iha laran maibe la hetan autorizasaun husi seguransa iha embaixada nian.

Sekretariu Estadu Juventude Traballu. Nivio Magalhaes, Photo: TTN/Hortencio Sanches

Tanba kondisaun hanesan ne’e, Joventude sira husu ba Governu Timor – Leste liu-liu Ministeriu Negosiu Estrangeiru no Koperasaun bele halo koperasaun ho nasaun Inglaterra atu nune’e Timoroan hirak ne’ebe hakarak ba servisu labele liu tan husi embaixada Portugal ne’ebe halo terus sira.

Hare ba situasaun mosu nune’e, Sekretariu Estadu Juventude Traballu (SEJT) Nivio Magalhaes hatete, koalia kona ba Juventude hirak ne’ebe trata dokumentu atu ba servisu iha Inglaterra nia parte labele fo komentariu tanba la iha relasaun ho SEJT maibe hanesan Juventude no Timoroan nia sei buka mos solusaun atu rezolve  iha tempu besik.

“Kona ba tratamentu dokumentu hodi hasai BI Portugal nian hodi ba servisu iha Inglaterra ne’e hau la bele fo komentariu tanba ida ne;e la kabe ba SEJT, maibe hanesan Joven no Timoroan hau sei buka meius oinsa bele  atu rezolve sira nia preokupasaun, maibe hau seidauk simu keixa ruma husi sira, karik hau simu hau sei azuda hodi buka solusaun,” dehan Nivio.

Editóra: Agida DOS SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here