Home dezenvolvimentu Jape Grup Hakarak Hari Tan Andar 16 Iha Dili

Jape Grup Hakarak Hari Tan Andar 16 Iha Dili

862
0
SHARE
Jape Kong Su hatudu ba emprezariu nasional no internasional sira katak, mesmu nia katuas ho idade tinan 85 ona maibe nia sei iha kbiit harii uma andar tolu, duke emprezariu balu investimentu boot maibe sei dependente ba tenderizasaun husi Governu.

By: Hortencio SANCHES

THETIMOR-NEWS.com, DILI – Jape Grup liu husi nia Fundador Jape Kong Su, ho nia ekipa hasoru malu ho Primeiru Ministru (PM) Mari Alkatiri hodu hato’o, nia ho investor husi Singapura hakarak hari tan Central Bussiness Distrit (CBD) ho andar 16 iha Dili.

Jape informa, investimentu ne’ebe mak sira atu investe ba uma andar ne’e hamutuk  36 miliaun, atu nune’e bele fo servisu ba Timoroan sira no mos hatama lukru ba estadu Timor – Leste.

“Ohin ami mai fo hatene ba PM katak, ami hakarak halo tan investimentu bo’ot  ida, edifisiu andar hamutuk 16,” dehan Jape ba Jornalista sira hafoin remata sorumutu ho PM Alkatiri iha Palasio Governo, Segunda (15/01/2018).

Nain Timor – Plaza ne’e hatutan, bainhira Governu aprova ona investimentu ne’e, sira nia parte sei halo konstrusaun iha tempu badak.

“Uma andar ne’ebe atu halo ne’e, sei iha Shoping Center, Apartament eskritoriu no seluk tan, ida ne’e Timoroan barak mak sei servisu iha ne’eba,” dehan Jape.

Antes ne’e, Jape Grup hari ona Timor Plaza ne’ebe konstroi husi Dili Development no lansa iha 2011 tinan kotuk liu ba.

Andar ne’ebe mak Jape ho nia Investor atu hari, iha Timor Plaza nia kotuk no durasaun hari uma ne’e tinan 2.

Jape hatudu no sai ezemplu ba emprezariu Timoroan hotu atu ba nati tuir dalan ne’ebe nia agora daudaun liu, maski ho idade ne’ebe tama ona ba 85.

Editóra: Agida DOS SANTOS I COPYRIGHT © THETIMORNEWS 2018

LEAVE A REPLY

Please enter your comment!
Please enter your name here