Home dezenvolvimentu Tensaun Politiku Sae Makas, Assanami: PD Orgullu Firmi ho FRETILIN

Tensaun Politiku Sae Makas, Assanami: PD Orgullu Firmi ho FRETILIN

2210
0
SHARE
Prezidente PD, Mariano Assanami Sabino

By: Hortensio SANCHES

THETIMOR-NEWS.com,  DILI – Dadauk ne’e tensaun Politiku iha Timor –  Leste sae makas liu-liu lider sira ne’ebe tur iha Parlamentu Nasional (PN) husi bankada opozisaun no koligasaun ho ideia politiku ne’ebe la hanesan no ida-idak depende firme ho politiku ne’ebe  komandu husi lideransa ida-idak nian.

Ho nune’e, dezisaun hotu atu hakalma situasaun politiku hirak ne’e so Prezidente Republika (PR) Francisco Guterres Lu-Olo mak sei iha kompetensia atu foti dezisaun nune’e bele hatun tensaun politiku ne’ebe agora daudaun sae makas hela.

Tanba ne’e, Prezidente Partidu Demokratiku (PD),  Mariano Assanami Sabino hatete, maski situasaun politiku bele lao oinsa deit, PD sei mantein pozisaun hodi firme iha FRETILIN nia sori atu hasoru desizaun saida deit mak PR Lu-Olo sei foti.

“PD firme no orgullu iha FRETILIN nia sorin, hatene katak ukun ida ne’e minoria, maibe PD hamrik ho firme atu hasoru saida deit, atu ba eleisaun antesipada ka, ou atu tur hamutuk hodi biabiliza governasaun ida ne’e ho karakter inkluzaun ne’ebe lidera nafatin husi FRETILIN, PD jerasaun kontinuasaun,” deklara Assanami bainhira hlao dialogu ho komunidade Autoridade Munisipal Ermera, iha salaun parokial Glenu, Sabado (12/01/2018).

Nune’e, nia apela ba komunidade hotu iha Ermera liu-liu militante PD atu hamrik firme no laiha ema ida atu koalia ragu ragun  PD mantein iha FRETILIN nia sorin.

“Laiha ema ida mak atu siak imi no hirus imi, ita halo tiha on aba maun sira, ita laos sura ita nia kole ba maun sira, tanba Lasama sempre dehan ahnesan ne’e, ‘lalika sura ita nia kole, lalika sura no tau todan ba ema  seluk’ ida ne’e mak kanta ne’ebe favorite Lasama nian,  ne’e duni hau husu ita laos sura ita nia kole maibe ita hakarak konstrusaun estadu ida ne’ebe lao diak no ita hatene katak ukun ne’e  povu nian entaun partidu ida ne’ebe nia manan nia mak lidera nune’e para ita toman ona ho demokrasia iha nasaun ida ne’e,” dehan Assanami.

Nia haktuir agora daudaun FRETILIN ukun hamutuk ho PD maibe ukun ida ne’ebe nakloke ba ema hotu atu hamutuk lori nasaun ne’e ba oin maibe  ema grupu balun lakoi kopera. Nun’e nia informa bainhira PR sei foti dezisaun ba dialogu entre lideransa sira atu  buka solusaun ba tensaun politiku ne’ebe mak lao namanas hela no kuandu laiha nafatin solusaun mak faillansu husi lideransa sira hotu ne’e duni dalan laiha atu foti, so eleisaun antesipada mak dalan.

Editóra: Agida DOS SANTOS I COPYRIGHT THETIMORNEWS © 2018 

LEAVE A REPLY

Please enter your comment!
Please enter your name here