Home Uncategorized Governo Seidauk Lori Programa ba PN Tanba Mosaun Sensura

Governo Seidauk Lori Programa ba PN Tanba Mosaun Sensura

715
0
SHARE
Primeiru Ministro Mari Alkatiri, Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Primeiru Ministru (PM) Mari Alkatiri informa, dadauk ne’e Governu dada hela programa da-ruak hodi ladauk lori fila ba aprezenta iha Parlamentu Nasional nune’e bele diskuti tanba mosaun sensura.

Xefe estadu ne’e afirma, bainhira Opozisaun dada mosaun sensura mak sira nia parte lori programa da-ruak fila ba PN hodi halo diskusaun.

“Mosaun Sensura mak sira dada, entaun programa ba, se sira la dada mosaun sensura programa sei  la ba,” dehan PM Alkatiri bainhira halo dialogu ho komunidade Autoridade Munisipal Ermera kona ba Programa Governu, iha salaun Parokial Gleno, Sabadu (12/01/2018).

Nia hatutan, Mosaun Sensura laos dalan atu rejolve problena no hatan ba nesisidade povu no estadu nian, maibe programa mak dalan atu hadia povu nia moris.

Tanba ne’e nia esplika, programa ne’ebe agora daudaun governu prepara sei uza iha governu se deit, bainhira  mosu eleisaun antesipada programa ne’ebe iha sei implementa duni ba povu.

Durante ne’e, bankada opozisaun iha Parlamentu Nasional hatam ona mosaun Sensura hasoru VII Governo konstitusional razaun tanba sira nia parte laiha konfiansa ba Governu refere no la lori programa da-ruak nian fila ba PN atu halo diskusaun.

Nune’e, opozisaun oras ne’e daudaun mantein sira nia  dezisaun hodi ejiji ba meza Parlamentu Nasional atu kria plenaria lalais hodi debate mosaun sensura ne’ebe mak sira hatam ona hasoru governu.

Maibe PM Alkatiri iha nia intervista ho Jornalista sira iha Palasiu Prezidensial Bairu Pite Dili, hafoin remata ho Prezidente Republika Francisco Guterres Lu-Olo nia promote ona mosaun sensura sei debate iha 31 Janeiru iha PN.

“Mosaun Sensura, hau marka ona ba 31 Janeiro konfirmadu hau marka ona,” dehan PM Alkatiri, Kinta (11/01/2018).

Ho nune’e parte opozisaun sira rejeita totalmente 31 Janeiru ne’ebe atu debate mosaun sensura. Tanba tuir sira loron ne’ebe sira hakarak laos mak 31 Janeiru.

Editóra: Agida DOS SANTOS I COPYRIGHT THETIMORNEWS © 2018 

LEAVE A REPLY

Please enter your comment!
Please enter your name here