Home dezenvolvimentu Assanami: Kontra Komprimisiu Sei Lakon Lejitimidade

Assanami: Kontra Komprimisiu Sei Lakon Lejitimidade

754
0
SHARE
Prezidente PD, Mariano Assanami Sabino. Photo: Google

By: Hortencio SANCHES

THETIMOR-NEWS.com, DILI – Prezidente Partidu Demokratiku (PD) Mariano Assanami Sabino hatete, partidu ne’ebe iha kampaina halo komprimisiu oinseluk, maibe hetan kadeira kontra komprimisiu sei lakon total lejitimidade husi povu maski fizikamente iha Parlamentu Nasional sei reprezenta deputadu sira.

“Partidu ne’ebe koalia kontrariu liu tiha fali nia komprimisiu, partidu ne’e lezitimu lakon tiha ona, partidu ne’e laeziste tiha ona, maski  fizikamente deputadu lubuk ida sei reprezenta bainhira ita kontra komprimisiu lakon tiha ona ho kontratu social ne’ebe  ita halo ba povu,” dehan Assanami bainhira halo dialogu politiku ho Povu autoridade Munisipal Ermera, iha salaun Parokial Glenu, Sabadu (12/01/2018).

Tanba ne’e, nia husu ba povu hotu atu kaermetin prinsipiu demokrasia hodi lao ba dalan ne’ebe los hodi halao dezenvolvimentu liu husi konstrusaun estadu no nasaun.

“Konstrusaun estadu ne’e mak ita uza, Sistema semi prezidensialista ita tau tiha ona prosesu neneik para ita lao ba oin, konstrusaun nasaun ne’e buat moris ida ne’ebe mai ita hotu hakarak, ita nia komprimisiu iha luta laran se ita hakarak ukun rasik an hari nasaun   povu maubere nian, tanba ne’e ukun nain sira labele halimar fali ho ukun ne’e, ukun nain sira laos deit ukun ne’e sira nian, labele uza fali lezitimu ne’ebe mai husi povu hodi kontra fali deklarasaun ne’ebe ita haloiha eleisaun nia laran,” dehan Assanami.

Nia haktuir, iha eleisaun Parlamentar ne’ebe liu ona, povu fo fiar ba PD hetan kadeira 7, maibe PD laos lori kadeira ne’ebe minimu hodi lobi tunsae para sai Primeiru Ministro ou Prezidente Parlamentu.

Tuir nia bainhira PD lobi tunsae atu buka kargu Primeiru Ministru bainhira Povu fo fiar ba PD mak sai hanesan Partidu mais votadu.

Entretantu, ema numeru ida iha PD ne’e afirma, povu ida deita labele hare ba kor partidu maibe ema  hotu tenke habelar duni valores demokrasia atu nune’e ukun ne’e ba povu tomak.

“Ita bele mai husi partidu oi-oin maibe, ita labele diferensa husi obzetivu  ida ne’e, katak ukun ne’e povu nian, ukun nain sira tenke kaer duni ida ne’e para hodi hare povu,” dehan Assanami.

Editóra: Agida DOS SANTOS I COPYRIGHT THETIMORNEWS © 2018 

LEAVE A REPLY

Please enter your comment!
Please enter your name here