Home nasional Alkatiri Husu Povu Labele Paniku ba Situasaun Politiku

Alkatiri Husu Povu Labele Paniku ba Situasaun Politiku

208
0
SHARE
Primeiru Ministru Mari Alkatiri, Photo: Google

By: Hortencio SANCHES

THETIMOR-NEWS.com, DILI – Hare ba situasaun politiku ne’ebe oras ne’e daudaun lao hela halo povu barak paniku maibe kalma nafatin iha ida-idak nia fatin. Tanba ne’e Governu liu husi Primeiru Ministro Mari Alkatiri  husu ba populasaun hotu tur hakmatek iha fatin labele traum no solusaun sei iha  atu hatun tensaun  politiku ne’ebe agora sae makas.

“Povu hotu lalika paniku no laran taridu situasaun diak hela, Governo buka solusaun laos solusaun 100% maibe solusaun ida ne’ebe bele halo povu hotu hakmatek,” dehan PM Alkatiri bainhira remata sosializasaun programa VII Governo ho populasaun Autoridade Munisipal Ermera, iha salaun Parokial Gleno, Sabadu (12/01/2018).

Politiku dalan diak liu mak Prezidente Republika Francisco Guterres Lu-Olo sei foti atu hatun tensaun politiku ne’ebe oras ne’e daudaun lao namanas hela iha nasaun ne’e.

“23 Janeiru ba oin PR sei foti ona dezisaun, tanba PR nia kompetensia mak ida ne’e duni, nudar PR ida ne’e mak nia kompetensia atu foti, nune’e ita hotu labele halo presaun ba PR atu nune’e nia bele foti dezisaun,” dehan PM Alkatiri.

Ema numeru ida iha Governu ne’e afirma, tuir nia dalan ne’ebe diak liu atu rezolve problema politiku mak Eleisaun Antesipada, maibe buat hotu depende ba PR bainhira foti ona labele  rejeita tenke tuir saida deit mak PR Lu-Olo foti ona.

Editóra: Agida DOS SANTOS I COPYRIGHT THETIMORNEWS © 2018 

LEAVE A REPLY

Please enter your comment!
Please enter your name here