Home dezenvolvimentu PM Alkatiri Informa Krize Institusional ba Xefi Estadu

PM Alkatiri Informa Krize Institusional ba Xefi Estadu

674
0
SHARE
Primeiro Ministro Mari Alkatiri. Photo TTN/FIdelio Ramos

By: Hortencio SANCHES

THETIMOR-NEWS.com, DILI – Primeiru Ministru (PM) Mari Alkatiri, Kinta (11/01/2018) hasoru malu ho Xefi Estadu Francisco Guterres Lu-Olo iha Palasio Prezidensial Bairu-Pite  Dili, hodi informa situasaun politiku ne’ebe mosu krize institusional agora daudaun lao namanas hela.

“Balun hanoin hau mai iha ne’e atu koalia Eleisaun Antesipada, maibe hau mai iha ne’e hanesan PM atu informa servisu ba iha PR, kona ba Eleisaun Antesipada PR mak sei deside, tanba ne’e hau hato’o informasaun konaba krize institusional ne’ebe mak lao dadauk liu husi pozisaun opozisaun nian  ne’ebe sira mehi buat rua deit,  povu nia mehi mos sira la mehi ona, maski uluk sira koalia dehan  mehi povu nia mehi, maibe sira nia mehi agora mak kontrola  meza Parlamentu no hatun governu, ida ne’e mak sira nia mehi agora daudaun” dehan PM Alkatiri hafoin hasoru malu ho Prezidente Republika.

Nia hatutan, povu iha area rural mehi atu governu halo dezenvolvimentu ba oin maibe, opozisaun mehi oinseluk hodi hanoin estraga no hatun governu.

Oras ne’e daudaun Parlamentu Nasional liu husi deputadu sira husi bankada opozisaun ou Aliansa Maioria Parlamentar (AMP)  alende Jurista no observador politiku sira koalia makas, halo observa ba VII governu ne’ebe agora daudaun besik atu monu ona no sira husu PM Alkatiri atu rezigna an husi nia kargu.

Razaun ne’ebe mak opozisaun, Sosiedade Sivil no Jurista sira foti tanba hare governu ne’ebe agora daudaun lao laiha forsa politiku iha PN tanba programa governu nian ne’ebe haruka faze da-huluk  hetan ona rejisaun. Tanba ne’e sira laiha konfiansa ba governu ne’e atu halo politiku dezenvolvimentu to tinan 5.

Editóra: Agida DOS SANTOS I COPYRIGHT THETIMORNEWS © 2018 

LEAVE A REPLY

Please enter your comment!
Please enter your name here