Home Uncategorized 2017 Governu Konsege Selu Ona Dividas 200 Miloes

2017 Governu Konsege Selu Ona Dividas 200 Miloes

265
0
SHARE

By: Hortencio SANCHES

THETIMOR-NEWS.com, DILI – Primeiru Ministru (PM) Mari Alkatiri informa tinan 2017 governu konsege selu ona 200 ital miloes ba dividas estadu ne’ebe durante ne’e iha maibe maioria mak seidauk selu tanba orsamentu la to’o.

Primeiru Ministro Mari Alkatiri. Photo: TTN/Hortencio Sanches

“Dividas foun ne’ebe tama iha ratifikativu ne’e hamutuk 140 ital miloes, iha mos dividas tuan maibe hau lakoi koalia tanba orasida ema dehan fali hau halo propaganda, iha 2017 konsege selu to 90 ital pursentu, 90 ital pursentu ne’e osan laos 90 ital projetus, projeitus sei iha barak ne’ebe seidauk selu, ne’ebe selu ona ne’e, hamutuk 200 ital miloes mak selu ona iha fulan Novembru 2017,” dehan PM Alkatiri iha Palasio Governo Kinta, (11/01/2018).

Nia esplika, dividas ne’ebe mak agora governo sei debe no balun selu ona, barak liu ba iha area infrastrutura hanesan estrada no seluk tan.

Prezidente CCITL. Oscar Lima, Photo: Google

Hare ba dividas barak mak governu seidauk selu ba imprezariu sira, Prezidente Kamara Komersiu Industria Timor – Leste (CCITL) Oscar Lima, hamutuk ho nia membru sira husi munispiu 12 inklui enclave Oekuse hasoru malu ho PM Alkatiri nune’ebe bele rona direita esplikasaun husi Xefi governo.

“Ohin ami mai iha ne’e, hodi husu esklaresimentu principal liu mak konaba pagamentu, bainhira ami rona bara-barak dehan osan sei iha, tanba ne’e ma kami rasik tenku husu tanba sa mak labele selu ami nia debe hirak ne’ebe durante ne’e governu debe hela, depois ida ne’e ami rona tiha ona esklaresimentu katak osan laiha Sistema mak la fo para halo pagamentu iha tinan ida ne’e tanba osan ne’ebe iha ne’e la to iha 19 miloes ne’e Sistema rasik mak la autoriza para simu,” dehan Oscar Lima.

Nune’e, nia fiar katak governu sei iha responsabilidade masimu hodi selu nafatin debe ne’ebe mak agora iha.

Alende ne’e, agora daudaun kompainia balun tenke hapara servisu tanba osan laiha atu halo obra ba dezenvolvimentu ne’ebe oras ne’e daudaun hahu lao namanas hela.

Editóra: Agida DOS SANTOS I COPYRIGHT THETIMORNEWS © 2018 

 

LEAVE A REPLY

Please enter your comment!
Please enter your name here