Home dezenvolvimentu Alkatiri Husu FP Labele Halo Politiku Iha Oras Servisu

Alkatiri Husu FP Labele Halo Politiku Iha Oras Servisu

731
0
SHARE
Primeiru Ministro Mari Alkatiri. Photo: TTN/Hortencio Sanches

By: Hortencio SANCHES

TEHTIMOR-NEWS.com, DILI – Primeiru Ministru (PM) Mari Alkatiri husu ba Funsionariu Publiku hotu halao servisu profisionais labele halo politiku iha tempu servisu.

Xefe governu ne’e afirma, Funsionariu Publiku ne’ebe hakarak halo politiku bainhira iha oras ne’ebe sai ona husi servisu fatin ka fila ba uma ou iha sede partidu nian.

“Funsionariu Publiku profisionais, iha servisu laran hau lakoi rona koalia politiku, ne’e profisionais hau halo politiku hau ema politiku hau laos Funsionariu Publiku, maibe hau hanesan PM ba ema hotu hau tama iha gabinete  PM la lori fali kargu Sekretariu Jeral partidu nian ba hotu iha ne’eba lae, hau nia kargu partidu iha hela sede ne’eba,” dehan PM Alkatiri bainhira halo inkontru ho Funsionariu sira husi Ministeriu Obras Publiku, iha salaun Obras Publiku Caicoli Dili, Kinta (11/01/2018).

Hare ba servisu iha ministeriu sira ne’ebe departementu barak maibe la dun halao servisu ho seriu, ema numeru ida iha governu ne’e hatete, sei la halo lakon departementu hirak ne’e maibe metodu servisu tenke muda atu nune’e hotu-hotu tenke iha funsaun atu bele kordena malu ho diak.

Nune’e nia husu ba ministeriu hotu atu halo servisu iha metudu koperasaun no kolaborasaun labele halo kompetisaun iha kareira servisu nian hodi hatun malu.

“Hau husu ba Funsionariu hotu husi leten mai to iha karaik atu hatete deit, bainhira ita atu dehan kurizi tenke kurizi, dehan hadia tenke hadia, tanba saida mak dehan reforsa institusional, tanba objetivu hakarak hametin instituisaun estadu sira atu lao diak liu ba oin labele hanesan tinan sira liu on aba kotuk,” dehan Alkatiri.

Editóra: Agida DOS SANTOS I COPYRIGHT THETIMORNEWS © 2018 

LEAVE A REPLY

Please enter your comment!
Please enter your name here