Home desportu Simon Ellisetche Kandidatu Forte ba Treinador Selesaun Nasional

Simon Ellisetche Kandidatu Forte ba Treinador Selesaun Nasional

111
0
SHARE
Simon Ellisetche. Photo: TTN/Hortencio Sanches

By: Hortencio SANCHES

THETIMOR-NEWS.com , DILI – Federasaun Futebol Timor –  Leste (FFTL) oras ne’e daudaun fihir hela treinador 4 hodi sai treinador ba selesaun nasional ne’ebe sei joga iha play off AFF Cup 2018 kontra Brunei Darussalam.

Treinador 4 ne’e mai hosi nasaun Portugal, Brazil no Xile. Husi treinador 4 ne’e, treinador hosi Xile  Simon Ellisetche mak sai kandidatu forte.

Maski la temi naran no sei mak sei sai treiandor selesaun Sekretariu Jeral FFTL, Nelio Isaac informa, dezisaun sei foti iha inkontru ezekutivu FFTL nian ne’ebe sei halao iha Sexta (12/01/2017).

“Agora daudaun ami halo hela selesaun ba treinador hamutuk nain 4 ida hanesan ne’e, ida husi Portugal, rua husi Brazil no ida husi Xile, bairua ezekutivu FFTL nian tur hamutuk hodi deside se los mak sai treinador los ba ita nia selesaun Nasional,” dehan Sekretariu Jeral FFTL Nelio Isac ba Jornalista sira iha Estadiu Munisipal Dili, Kuarta (10/01/2018).

Treinador ho nasionalidade Xile ne’e, hahu nia kareira iha Timor – Leste bainhira, Timor –  Leste hahu loke Liga iha faze Amadora ba dala uluk iha 2015 no Ellisetche hetan konfiansa husi Klubu Segundu Divizaun FC Assalam.

Bainhira kaer Assalam la konsege lori klubu ne’e hakat ba Primeiru Divizaun, maibe treinador ne’e iha duni sorte ne’ebe diak liu husi esperiensia ne’ebe nia fahe ba klubu Assalam, halo klubu Zigante kapital Dili nian Karketu Dili FC laran monu hodi halo kontratu ho treinador ne’e atu lidera Karketu iha liga ba dala rua ninian ne’ebe halao iha 2016.

Tanba iha esperiensia no tatika ne’ebe barak durante ne’e Ellisetche hetan  iha nia  moris sai hanesan Treinador hodi aplika ba jogador sira husi klubu Matak Malirin kapital Dili ne’e konsege realiza duni mehi ne’ebe durante ne’e Karketu mehi atu sai kampiaun ba Liga Futebol Amadora (LFA), maibe laos ne’e deit treiinador husi estrangeiru ne’e lori tan Karketu sai kampiaun ba Supertaca 2017.

Hare ba Esperiensia ne’ebe mak Ellisetche iha sai tarjetu ba FFTL atu hili sai hanesan   treinador ba Selesaun Nasional Timor – Leste nian.

 Editóra: Agida DOS SANTOS I COPYRIGHT THETIMORNEWS © 2018  

LEAVE A REPLY

Please enter your comment!
Please enter your name here