Home dezenvolvimentu KM Aprova Utilizasaun Orsamentu Duadesimu

KM Aprova Utilizasaun Orsamentu Duadesimu

328
0
SHARE
Sekretariu Estadu Konsellu Ministro no Komunikasaun Sosial, Matias Boavida. Photo: TTN/Hortencio Sanches

By: Hortencio SANCHES

TEHETIMOR-NEWS.com, DILI – Governu liu husi Inkontru Konsellu Ministru (KM) konsege aprova ona orsamentu Duadesimu atu nune’e bele utiliza iha fulan Janeiru nia laran.

Sekretariu Estadu Konsellu Ministru no Komunikasaun Sosial, Matias Boavida hatete, ajenda hodi halo aprovasaun ba orsamentu Duadesimu ne’e, rejime aprezenta husi Ministeriu Planu Finansas.

“Ohin KM kolaia barak liu kona ba rejime mai husi Ministeriu Finansas atu koalia oinsa uza orsamentu Duadesimu ne’e, maibe aprovadu atu nune’e bele uza ona orsamentu ne’e,” dehan Matias ba Jornalista sira hafoin remata sorumutu KM iha edifisiu Palasiu Governu Dili, Kuarta (10/01/2018).

Relasiona ho montante ba orsamentu refere, governante ne’e la esplika klaru tanba orsamentu ne’e sei koloka tuir Ministeriu ne’ebe mak iha ona.

“Orsamentu ne’e sei koloka tuir ministeriu ida-idak, orsamentu estadu uluk koloka tuir ministeriu ida-idak hirak entaun hanesan ne’e,” dehan Matias.

Enkuantu, atu utiliza orsamentu ne’ebe mak aprova ona, ministeriu finansas sei realiza worsop nune’e bele konvida director jeral husi ministeriu hotu atu halo esplikasaun klaru oinsa utiliza orasamentu Duadesimu iha fulan Janeiru nia laran.

Editóra: Agida DOS SANTOS I COPYRIGHT  THETIMORNEWS © 2018  

LEAVE A REPLY

Please enter your comment!
Please enter your name here