Home dezenvolvimentu Jogu Play Off Suzuki Cup 2018, AFC Halo Inspesaun ba Estadiu Munisipal...

Jogu Play Off Suzuki Cup 2018, AFC Halo Inspesaun ba Estadiu Munisipal Dili

428
0
SHARE
Ekipa husi AFF halo hela inspesaun ba Estadiu Munisipal Dili ne'ebe oras ne'e daudaun halo hela konstrusaun. Photo: TTN/Evangelisto Santos

By: Hortencio SANCHES

THETIMOR-NEWS.com, DILI – Ekipa inspesaun ba jogu ASEAN Football Federation (AFF) Championship ou konesidu ho naran Suzuki Cup hosi Asian Football Federations (AFC) halo inspesaun ba Estadiu Munisipal Dili, Kuarta (10/01/2018).

Membru AFF sira hare hela gambar Estadiu nian. Photo: TTN/Evangelisto Santos

Membru AFF sira hare hela gambar Estadiu nian. Photo: TTN/Evangelisto SantosInspesaun ne’ebe lidera hosi Deputy Sekretariu Jeral AFC, Tho Sem Nee akompana ho nia membru rua Sumer Sing (Lugardere Sport) no Leow Booh Wee (Broadcaster Service Manager) hodi hare’e fasilidade iha Estadiu Munisipal Dili tuir standar jogu internasional AFC nian lae.

“Kondisaun kampu ne’e diak uitoan ona, entaun Timor – Leste iha posibilidade sai uma nain ba jogu AFF Suzuki Cup,” dehan Tho ba Jornalista sira hafoin halo inspesaun.

Maski fo

ona lampu verde ba Timor-Leste, maibe ekipa AFC fo rekomendasaun ba governu nudar nain ba Estadiu Munisipal Dili ne’ebe dadauk ne’e iha prosesu rehabilitasaun atu simu sira nia rekomedasaun ba fati hirak ne’ebe hakarak ka lakohi tenki tuir standar AFC nian hanesan fatin troka jogador nian ne’ebe tenki iha haris fatin minimu 4 kompletu ho nia shower no toilet 4, inklui salaun ba arbitru nian tenki iha mos toilet, no salaun ba konferensia imprensa, broadcasting nian, mediku no fatin hirak ne’ebe persiza tau kamera ba live nian.

Hatan ba rekomendasaun hirak ne’e,  Sekretariu Estadu Desportu Promosaun Alta Kompetisaun (SEDPAK) Osorio Florindo hatete, liu husi inspesaun ne’ebe mak membru husi AFC sira halo hatudu buat barak presiza hadia, tanba ne’e governu sei esforsu oinsa bele koalia ho kompaina atu finaliza lalais konstrusaun ne’e ho kondisaun ne’ebe tuir estandar Internasional.

“Kona ba kondisaun ne’e, ohin hau koalia tiha ona ho tekniku sira ne’ebe kaer obra ida ne’e, atu bele hadia diak liu tan, tuir kompaina ne’e hakarak hadia adisional no aumenta osan, maibe ita asina ona adisional ne’e hotu ona bele muda fali mai hodi priense kriteria,” dehan SEDPAK Osorio Florindo.

Nia haktuir, tuir kontratu ne’ebe governu halo ho kompaina ba rehabilitasaun Estadiu Munisipal Dili sei remata iha Jullu 2018, tanba tempu sei sufisienta SEDPAK garante bele finaliza iha tempu badak nia laran bainhira kordenasaun governu ho kompaina nian lao diak.

Obra ba estadiu ne’e kaer husi Kompainia Marino Enterpriseses Lda ho orsamentu Miloens 1.6, halao desde tinan 2018.

Konsultan Kompana Marino Enterprise, Rolly Z Agustaya esplika, inprinsipiu kompana halao obra ne’e bazeia desena hosi governu nian nudar nain ba projetu, durante sira halao tuir buat ne;ebe sira asina iha kontratu.

“Agora karik iha mudansa ruma, iha addisional ruma, ami hosi kompana pronto atu halao, maibe tenki fo mos tempu tan,” dehan Rolly.

Iha Setembru 2018, Timor-Leste sei sai uma nain tan ba jogu internasional futebol kontra Brunei Darrusalam ho Sistema home and away ba jogu Play Off Suzuki Cup ou ASEAN Football Federation (AFF) Championship.

“Tinan ida ne’e ekipa rua husi ASEAB ninian ne’e mak halo Play Off uluk, mak hanesan Brunei Darusalam ho Timor –Leste. Signifika katak AFF iha mudansa, entaun ita tenke sai uma nain, maibe iha Timor – Leste so uniku iha estadiu ida deit, entaun ita prontu kopera ho governu atu hakas an halo lalais estadiu ida ne’e,” dehan Nelio Isaac.

Partisipasaun Timor-Leste iha jogu Suzuki Cup hahu iha tinan 2004 wainhira jogu ne’e sei hanaran Tiger Cup hafoin troka naran iha 2006 ho naran AFF Championship.

Editóra: Agida DOS SANTOS I COPYRIGHT THETIMORNEWS © 2018  

LEAVE A REPLY

Please enter your comment!
Please enter your name here