Home dezenvolvimentu Asian Games 2018, TL Seidauk iha Preparasaun

Asian Games 2018, TL Seidauk iha Preparasaun

341
0
SHARE
SEDPAK Osorio Florindo. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Sekretariu Estadu Desportu Alta Kompetisaun (SEDPAK) Osorio Florindo informa, oras ne’e daudauk Timor – Leste seidauk iha preparasaun atu kompete iha eventu Asian Games ne’ebe tuir planu sei halo Agostu 2018 iha Jakarta-Palembang, Indonezia.

“Agora daudauk kona ba Asian Games ita seidauk iha preparasaun, tanba ita hare’e situasaun politiku sei hanesan ne’e, maibe hau la fiar katak to’o fulan 6 ne’e situasaun ne’e labele rezolve no governu sei iha nivel diskusaun hodi hare’e ba ida ne’e,” dehan SEDPAK Osorio Florindo ba Jornalista sira iha Estadiu Munisipal Dili, Kuarta (10/01/2018).

Nia esplika, maski situasaun politiku iha Timor – Leste lao la dun diak, maibe jogu internasional sira sei nafatin partisipa nune’e bele lori desportu iha Timor – Leste diak liu tan iha futuru.

“Asian Games laos ita hotu-hotu tuir hotu to’o, konforme ita nia kapasidade, ita nia preparasaun no ita nia finansiamentu, ezemplu hanesan federasaun hotu-hotu la bele, mais jogador husi futebol nian bele nusa ita la haruka ba, husi Taekwondo nian bele nusa la haruka ba, hau hanoin hirak ne’e, ita iha dispunibilidade atu lori ba partisipa,” nia dehan.

Konta ho Asian Game Indonesia 2018, hamutuk Timor-Leste partisipa eventu Asian Games dala 4. Hahu tinan 2006 iha Doha, Guanzhou-Xina (2010), Daegu-Koreia Sul (2014).

Editóra: Agida DOS SANTOS I COPYRIGHT  THETIMORNEWS © 2018  

LEAVE A REPLY

Please enter your comment!
Please enter your name here