Home dezenvolvimentu Adriano: Aprezenta Programa Da-Ruak ba PN, Depende Husi PM

Adriano: Aprezenta Programa Da-Ruak ba PN, Depende Husi PM

39
0
SHARE
Ministru Adriano do Nasimento. Photo: Google.com

By: Hortencio SANCHES

THETIMOR-NEWS.com, DILI –  Ministro Prezidensia Konsellu Ministru (MPKM), Adriano Nacimento hatete, atu haruka programa da-ruak ba Parlamentu Nasional (PN) depende ba Primeiru Ministru Mari Alkatiri tanba kompetensia tomak husi nia.

“Programa ba dala rua nina ne’e, depende ba PM haruka hau mak lori ba aprezenta iha PN entaun hau lori ba, agora iha PM nia liman konsellu ministru aprova ona,” dehan Ministro Adriano ba Jornalista sira iha Palasio Governo, Kuarta (10/01/2018).

Maski oras ne’e daudaun publiku liu-liu Jurista sira halo interpretasaun no kestiona kona ba programa ne’ebe mak VII Governu hanaran anotadu la hakerek iha konstituisaun RDTL. Tanba ne’e membru governu ne’e esplika, “Ida ne’e naranprograma, programa anotadu ne’e katak atu esplika kona ba, iha momentu ne’ebe diskuti programa da-huluk nian deputadu sira  husu tenke halo sistematiku tenke halo konsekuensia, entaun ami atu halo esplikasaun ida ne’e, tanba sira nia preokupasaun mak ida ne’e, dehan programa ne’e diakmaibe seidauk sistematiku no seidauk iha dadus agora ami prepara hotu ona.”

Agora daudaun Ministro Adriano hanesan mos membru governu ne’ebe toma konta mos ba assuntu Parlamentar.

Antes ne’e, Governu haruka ona programa da-huluk nian ba PN maibe rejeita husi bankada opozisaun ne’ebe hanaran Aliansa Maioria Parlamentar (AMP) tanba tuir sira, programa ne’ebe mak governu haruka la realistiku no la kompletu.

Editóra: Agida DOS SANTOS I COPYRIGHT  THETIMORNEWS © 2018  

 

LEAVE A REPLY

Please enter your comment!
Please enter your name here