Home dezenvolvimentu Viola Vistu Traballu, Imigrasaun Notifika Traballador Estanjeiru 2

Viola Vistu Traballu, Imigrasaun Notifika Traballador Estanjeiru 2

112
0
SHARE
Traballador Estranjeiru rua ne'ebe mak Imigrasaun Notifika viola vistu Traballu. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Servisu Imigrasaun Timor – Leste, Tersa (09/01/2018) halo notifika traballador estranjeiru feto 2 ne’ebe utiliza vistu Turista hodi halo aktividade servisu iha loja Lucky Market Audian Dili.

Komandante Operasaun Servisu Imigrasaun, Inspetur Polisia Fortunato  Guterres, informa sira nia parte kaptura sidadaun nai 2 ne’e tanba kontra lei imigrasaun Timor – Leste nian. Taanba ne’e nia esplika, ema estranjeiru kuandu atu halo servisu iha Timor – Leste tenke iha vistu traballu labele uza vistu Turista nune’e halo servisu.

Komandante operasaun Operasaun Servisu Imigrasaun, Inspetur, Fortunato Guterres. Photo: TTN/Hortencio Sanches

“Sidadaun Rua ne’ebe ma kami notifika tanba, sira halo hela aktividade servisu iha loja ida besik dragon nian oin iha audian ne’eba, iha ne’eba imigrasaun detekta sira halao aktividade maibe uza hela vista Turista,” dehan Inspektur Faustino ba Jornalista sira iha nia knar fatin Vila Verde Dili.

Sidadaun rua ne’e, Merry DebiTaolin husi Indonezia, Kom Fu Jia husi Malazia, oras ne’e daudaun sidadaun rua ne’e nia passaporte Imigrasaun Timor – Leste sei  prende hela nune’e bele halo prossesu ba kazu refere.

Nia haktuir, oras ne’e daudaun servisu Imigrasaun iha ona lei ne’ebe aprova husi Parlamentu Nasional (PN) ne’ebe rigurozu tebes nune’e bele kontrola imprezariu Timoroan no Imprezariu estranjeiru sira ne’ebe halao aktividade negosiu iha nasaun ne’e.

“Lei No. 11/2017 ne’e nia aplikasaun todan uitoan tanba uluk ita hare ema ne’ebe viola lei traballu sei selu 250 deit, ba ema sira ne’ebe loke nia negosiu ou servisu mais laiha autorizasaun, ou fo servisu ba nia traballador sira la tuir lei ne’ebe mak iha ida ne’e kada prosesu ema ida tenke selu multa 1000 dolar ba leten, nune’e para ita hare tok ba ema ne’ebe mak viola ne’e minimiza ka lae,” dehan Inspiktur Fortunato.

Alende ne’e, nia informa  tan, ba oin nasaun sira ne’ebe mak halo koperasaun diak ho Timor – Leste, sei tau adidu iha ne’eba, atu nune’e bainhira traballador estranjeiru ne’ebe hakarak mai halao servisu iha Timor – Leste bele aprezenta kedas vistu traballu iha adidu, hafoin bele mai Timor – Leste.

Maneira nune’e, atu bele halo fasil ba Imigrasaun Timor – Leste hodi kontrolu traballador estranjeiru ne’ebe mak viola vistu traballu.

Agora daudaun nasaun balu, hanesan Xina, Indonezia, Singapura tau ona adidu traballu nian iha ne’eba no ba oin sei tau hotu iha nasaun sira, iha kontinente Europa, Amerika, Afrika no Oseano Pasifiku.

Editóra: Agida DOS SANTOS I COPYRIGHT  THETIMORNEWS © 2018  

LEAVE A REPLY

Please enter your comment!
Please enter your name here