Home nasional Prosesu Assidente Bus Estrela, Iha Ona MP

Prosesu Assidente Bus Estrela, Iha Ona MP

269
0
SHARE
Kondisaun Bus Estrala ne'ebe baku fila iha area Cacaolidun, Dili. Photo: TTN/Evangelisto SANTOS

By: Hortencio SANCHES

TEHTIMOR-NEWS.com, DILI – Bus diresaun Dili Viqueque numeru matrikula 36-727 ho naran Estrela ne’ebe baku fila iha Aldeia Kakaulidun Suku Bairo-Pite Autoridade Munisipal Dili iha (05/01/2017) kalan, ne’ebe rejulta Joven ida mate no sia kanek todan, kondutor PNTL Munisipiu Dili hato ona ba Ministeriu Publiku nune’e bele prosesu tuir lei.

Segundu Komandante Munisipiu Dili, Superintendente Assistente Euclides Belo. Photo: TTN/Hortencio Sanches

Segundu komandante Munisipiu Dili, Superintendende Assistente Euclides Belo informa, iha akontesimentu ne’e, laos xoke malu ho kareta ruma no animal maibe tanba Kondutor halai ho velosidade ne’ebe mak makas no ladun control ho diak.

“Bainhira Bus ne’e bakufila kondutor la konsege kontrola bulante nune’e mak rejulta Joven ida mate kedas iha fatin no nain sia kanek todan,” dehan  Komandante Euclides ba Jornalista sira iha nia servisu fatin komandu PNTL Munisipiu Dili, Segunda (08/01/2018).

Polisia Tranzitu Dili hamutuk ho ekipa Bombeiros Dili konsege evakua Bus Estrela ne’ebe baku fila iha area estrada kurva Cacaolidun. Photo: TTN/Evangelisto SANTOS

Vitima ne’ebe la salva vida iha assidente ne’e, naran kompletu Agapito Soares ho idade 22 hanesan estudante husi Munisipiu Viqueque, Postu Administrativu Lakluta.

Naran kompletu husi konduteor refere, Osorio da Costa maibe oras ne’e daudaun nia parte halo koperasaun diak tebes ho parte PNTL nune’e bele submete ba Justisa.

“Kondutor nia paradeiru ita halo identifikasauntanba ita foti ona nia identidade kompletu hodi prosesu ba prosedimentu legal no tuir lei fo dalan ba kondutor ne’e hela iha nia hela fatin tanba nia kopera diak ho parte hotu-hotu,” dehan Euclides.

Hafoin Bus ne’e baku fila vitima hirak ne’ebe mak kanek, PNTL halo evakua kedan ba iha Ospital Nasional Guidu Valadares hodi halo tratamentu maibe vitima Agapitu la konsege salva nia vida.

Tuir informasaun Vita hirak ne’ebe mak baixa oras ne’e daudaun, balun alta on aba ida-idak nia hela fatin no balun sei kontinua halo tratamentu.

Editóra: Agida DOS SANTOS I COPYRIGHT  THETIMORNEWS © 2018  

LEAVE A REPLY

Please enter your comment!
Please enter your name here