Home nasional MDS Sei Foti Medidas Seriu ba Sidadaun Ne’ebe Subar Kilat

MDS Sei Foti Medidas Seriu ba Sidadaun Ne’ebe Subar Kilat

600
0
SHARE
Ministru Defesa Seguransa Soomocho. Photo: TTN/Fidelio Ramos

By: Hortencio SANCHES

THETIMOR-NEWS.com, DILI – 2006 akontese krize ne’ebe bo’ot iha Timor – Leste ema barak mak sai vitima, alende armas seguransa nian hanesan kilat husi PNTL 10 resin mak lakon, to ohin loron, seidauk hatene paradeiru husi kilat hirak ne’e, nune’e iha semana hirak liu ba Ministru Defeza no Seguransa Jose Agustinho Siquera Somotxo apela ona ba publiku karik durante krize hetan kilat ruma karik, bele intrega ba parte siguransa ninian no fo data ikus atu intrega mak 31 Dezembru liu ba.

Realidade hatudu katak, to ohin loron data ne’ebe termina ona husi  Ministro liu ona laiha komunidade balun mak intrega.

Tanba ne’e, Ministru Somotxo dehan, ba oin parte seguransa sei hare hodi foti medidas hasoru sidadaun hirak ne’ebe rai kilat illegal iha uma, karik autoridade seguransa hetan.

“Momentu ne’e hau mak koalia duni hodi husu ba populasaun sira katak se mak oras  ne’e sei  rai hela kilat illegal ruma karik bele intrega data ikus to 31 Dezembru deit maibe ohin loron ita hatene to ona 5 Janeiru, entaun ba oin ami sei toma medidas ba ida ne’e kari hetan se mak sei kaer kilat illegal, medidas ne’e iha instituisaun military nian ne’e segredu labele atu fo sai lai,” dehan Ministro Somotxo ba Jornalista sira hafoin remata sorumutu ho Prezidente Republika (PR) Francisco Guterres Lu-Olo iha Palasio Przidensial Bairu Pite Dili, Sesta (05/01/2017).

Durante informasaun sai husi autoridade seguransa relasiona ho kilat PNTL nian ne’ebe lakon, deskonfia iha sidadaun sivil balun agora daudaun sei rai iha uma, halo komunidade barak mak paniku tanba hare ba situasaun politiku oras ne’e daudaun lao la normal.

Antes ne’e, Xefe Estadu Maior das Forsas Armadas F-FDTL, Maijor Jeneral Lere Anan Timur informa, sira nia parte deskonfia ona iha ema balun oras ne’e daudaun sei rai hela kilat illegal iha uma no deskonfia mos kilat balun hatam husi fronteira Timor – Leste no Indonezia.

Editór: Agida DOS SANTOS I COPYRIGHT © THETIMOR-NEWS 2017

 

LEAVE A REPLY

Please enter your comment!
Please enter your name here