Home dezenvolvimentu MDS Agradese Populasaun Hatudu Maturidade Diak Selebra Natal – Tinan Foun

MDS Agradese Populasaun Hatudu Maturidade Diak Selebra Natal – Tinan Foun

124
0
SHARE
Ministro Defeza no Seguransa, Jose Agustinho Siquera Somotxo. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Ministru Defeza no Seguransa Jose Agustinho Sequera Somotxo apresia no agradese ba populasaun Timor – Leste ne’e hatudu maturidade ne’ebe diak hodi kontribui ba esabilidae bainhira selebra loron bo’ot Natal no Tinan foun lao diak tebes.

Eis Guirilleru ne’e dehan, atu dezenvolve nasaun ne’e ba oin populasaun hotu tenke hatudu maturidade ne’ebe diak labele kria konflitus iha nasaun laran.

“Natal no Tinan foun ne’ebe mak ita liu ona lao diak tebes, ne’e duni ba povu tomak joven sira, hau agradese tanba kontribuisaun iha tinan 2017 situasaun diak uitoan tanba ida-idak iha nia fatin hodi halo festa Natal no Tinan foun lao kapas tebes,” dehan Ministro Somotxo ba Jornalista sira hafoin remata sorumutu ho Prezidente Republika Francisco Guterres Lu-Olo iha Palasio Prezidensial Bairo-Pite Dili, Sexta (05/05/2018).

Tanba ne’e, nia garante ba oin parte rua hanesan F-FDTL no PNTL sei hamutuk hodi fo seguransa Diak ba povu no estadu iha Timor – Leste nune’e bele halo kalma situasaun bainhira mosu konflitus.

Komisario Julio Hornay. Photo: Google

Iha fatin hanesan Komandante Jeral PNTL Komisariu Julio Hornay informa, durante sel;ebrasaun loron bo’ot rua ne’ebe mak liu ona situasaun iha nasaun ne’e lao kontroladu no hakmatek iha konflitus ki’ik balun maibe PNTL konsege atua ho diak.

“Hau lori komandu nia naran hato’o parabens ba povu Timor tomak liu-liu bah au nia oan joven sira tanba imi hotu nia apoiu mak kontribui ba estabilidade, situasaun lao kalma laos husi parte seguransa deit maibe husi mos imi hotu nia kontribuisaun,” dehan Komisariu Julio.

Editór: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here