Home dezenvolvimentu Governu Sei Tau Atensaun ba Klinika Lanud Bairu-Pite

Governu Sei Tau Atensaun ba Klinika Lanud Bairu-Pite

281
0
SHARE
PM Mari Alkatiri. Photo: FB Gabinete Primeiro-Ministro

By: Hortencio SANCHES

THETIMOR-NEWS.com, DILI – Governu liu husi Primeiru Ministru (PM) Mari Alkatiri deklara, nia parte sei koalia ho Ministro Saude nune’e bele tau atensaun ba sentru saude lanud nune’e bele hasae diak liu tan  kondisaun atu nune’e bele fo tratamentu ba populasaun sira.

Xefe Governu ne’e dehan, Klinika importante mak kria kondisaun ne’ebé dignu atu nune’e bele halo tratamentu ba ema moras sira atu nune’e labele halai hamutuk iha Ospital bo’ot.

“Ita hatene katak iha tendensia ema hotu-hotu moras sempre lori ba Hospital Nasional Guidu Valadares (HNGV) entaun ne’e lalos, atu evita buat hirak ne’e mak bele fó kondisoens ba funsionariu hodi bele servisu diak liu tan,” Dehan PM Alkatiri ba Jornalista sira hafoin remata vizita ba klinika refere, Sexta (29/12/2017).

Ema numeru ida iha Governu ne’e afirma, klinika lanud tuir nia kondisaun diak, maibe sei menus iha area mediku mak hanesan, aimoruk maibe hatene katak iha Timor – Leste maioria sei falta duni aimoruk ho manajemtu ne’ebe diak.

Durante ne’e, Governu Australia mak fo apoiu makas ba klinika ne’e maibe oras ne’e daudauk laiha ona apoiu.

Tanba ne’e, PM Alkatiri promote Governu tenke fo apoiu duni ba klinika ne’e, tanba dadauk ne’e, klinika ne’e fo tratamentu ba komunidade sira lao diak tebes.

Iha fatin hanesan Diretor Ezekutivu no Fundador Klinika Lanud Dr. Daniel Murphy hatete, sira nia parte hakarak tebes atu ajuda halo tratamentu ne’ebe diak ba Timoroan sira atu nune’e, Timoroan sira bele moris ho saude ne’ebe saudavel.

“Governu ajuda lais liu ne’e ami kontente los maibe neneik mos laiha buat ida, maibe ami presiza Timororoan hotu tenke moris iha saude ne’ebe mak diak ida ne’e ma kami  nia objetivu,” dehan Dr. Daniel.

Nia informa, iha klinika ne’e, durante loron ida sira bele rejistu ema  moras hamutuk 300 ba leten kompostu husi labarik no ema bo’ot.

Hahu husi Janeiru 2017 to ohin loron sira nia parte rezistu  moras maioria mak TBC mka numeru ne’ebe as tuir mak mal nutrisaun ba labarik sira.

Editór: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here