Home nasional Alkatiri: AMP Laiha Kompetensia Demite Hau Husi PM

Alkatiri: AMP Laiha Kompetensia Demite Hau Husi PM

3448
0
SHARE
Primeiru Ministro Mari Alkatiri. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Primeiru Ministru (PM) Mari Alkatiri hatete, laiha deputadu ida husi Aliansa Maioria Parlamentar (AMP) ne’ebe nia konsidera illegal atu foti desizaun hodi husu nia atu demite an husi nia kargu hanesan PM. Tanba ne’e nia dehan so Prezidente Republika (PR) mak iha kompetensia atu foti desizaun ba kargu ne’ebe agora daudaun nia assume.

Xefe Governu hato’o lia hirak ne’e ba Jornalista sira iha Klinika Bairu-Pite Dili, Sexta (29/12/2017) hodi hatan ba deklarasaun ne’ebe mak Xefe bankada CNRT Arao Noel nia deklarasaun ne’ebe husu PM Alkatiri tenke demite an ona husi nia kargu tanba governu da-hitu nia praju atu  lori fila programa faze segundu ba Parlamentu Nasional (PN) atu debate  liu ona.

“Sei diak liu AMP mak demite a’an tiha husi Politika, AMP lolos ne’e labele ejiji tanba PR Lú-Olo mak iha kompetensia atu foti desizasaun la’os deputadu AMP ida mak atu foti desizasaun,” dehan PM Alkatiri.

Nia hatutan, AMP nunka hanoin povu tanba Orsamentu Ratifikativu (OR) ne’ebe atu halo diak nasaun no  povu vota kontra hotu hodi ejiji mak hakarak atu hatun lalais Governu.

“AMP hakarka taka tomak hotu sira nia sala sira, pois dehan fali ha’u mak bele demite an fali ne’e lalos, ha’u sei ke’e klean liu tan ba buat  hirak ne’ebé mak AMP durante ne’e halo drama politika iha nasaun Timor Leste halo povu hotu mós sei preokupasaun hela ba situsaun politika atual ne’ebé mak akontese,” dehan Alkatiri.

Editór: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here