Home dezenvolvimentu PN Dada Tempu, Posibilidade PR Lu-Olo Foti Desizaun ba EA

PN Dada Tempu, Posibilidade PR Lu-Olo Foti Desizaun ba EA

121
0
SHARE
Deputadu Parlamentu Nasional. Photo: TTN/Hortencio Sanches

By: Hortencio SANCHES

TETIMOR-NEWS.com, DILI – Dadauk ne’e, jogu Politiku iha Timor – Leste lao komplikadu halo ema hotu analiza oi-oin no balun le konstituisaun RDTL halo interpretasaun makas ba politiku ne’ebe lao namans hela, maski nune’e solusaun ikus so Prezidente Republika (PR) Francisco Guterres Lu-Olo mak sei deside.

Tanba ne’e, Tuir Observador Politiku Universidede Nasional Timorlorosa’e (UNTL) Camilio Ximenes Almeida hatete, oras ne’e daudaun Parlamentu Nasional (PN) dada tempu ne’ebe  narauk konserteza halo PR Lu-Olo bele foti desizaun ba Eleisaun Antesipada (EA)

“Hela loron 5 deit remata tinan 2017, ita hare orariu ne’ebe mak PN iha katak 8 Janeiru foin funsionafali hanesan baibain, entaun  iha posibilidade  atu debate programa governu ou lae, se tempu ne’e mak dada  bebeik iha posibilidade rua mak PR atu foti entre intrega ba  partidu segundu mais votadu ho Eleisaun Antesipada,” dehan Camilio ba Jornalista sira iha Kampus lama UNTL Caicoli Dili,  Kuarta (27/12/2017).

Nia hatutan, karik PN laiha seriedede hodi dada nafatin tempu, iha tempu badak sei hakat duni ba EA, tanba hahu husi formasaun governu kompleta ona fulan 6 nune’e iha posibilidade ne’ebe uitoan atu PR intrega ba partidu segundu mais votadu CNRT.

“Ita hare bainhira liu ona fulan Janeiru laiha ona posibilidade atu intrega ba  partidu ne’ebe  mak segundu votadu atu bele forma fali governu, se ba eleisaun antesipada saida mak ita afeita ba estabilidade politiku ekonomia no seluk tan, entaun ita hatene  kuandu PR intrega ba partidu ne’ebe segundu votadu  iha posibilidade iha semana ida ou rua nia laran bele asegura ona estabilidade politiku,” dehan Camiho.

Diferente politiku  ne’e mosu hahu kedas husi dialogu partidu FRETILIN ho partidu ne’ebe mak hetan asentu iha PN hodi hamutuk forma governu.

Alende tama ba debate programa governu dahu-luk iha fulan hirak liu ba no rejeita husi bankada opozisaun ne’ebe maioria iha PN ho kadeira 35 no bankada koligasaun iha deit kadeira 30, tanba ne’e programa governu nian  iha tempu ne’eba la bele liu tan opozisaun vota kontra hodi hatama mosaun rejisaun hasoru programa ne’ebe aprezenta husi  governu.

Durante eleisaun Parlamentar 2017 rejultadu ne’ebe anunsiu sai husi Tribunal Rekursu hatudu katak FRETILIN mak sai hanesan partidu ida ne’ebe vensedor iha festa demokrasia ne’e hodi forma governu ba tinan 5 nia lran hodi halo dezenvolvimentu ba nasaun no povu Timor Leste hotu.

Maibe partidu refere la manan ho maioria tanba hetan deit kadeira 23 iha PN, nune’e durante fulan ida resin partidu ne’e liu husi nia lideransa sira halo dialogu ho partidu sira ne’ebe hetan asentu iha PN hanesan, CNRT Kadeira 22, PLP 8, PD  7 no KHUNTO 5, husi dialogu ne’e, FRETILIN konsege halo koligasaun ho PD no la konsege halo koligasaun ho partidu tolu seluk, tanba partidu hirak ne’e deklara hakarak sai opozisaun ne’ebe konstrutivu edukativu iha PN.

Ho nune’e FRETILIN no PD avansa hodi forma VII governu konstitusional minoritaria iha PN.

Governu da hitu ne’e,  lidera husi Sekretariu Jeral FRETILIN Mari Alkatiri no hetan  posse husi Prezidente Republika Francisco Guterres Lu-Olo iha fulan hirak liu ba.

Editór: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here