Home nasional Somotxo: PNTL-F-FDTL Mak Bele Kaer Kilat

Somotxo: PNTL-F-FDTL Mak Bele Kaer Kilat

572
0
SHARE
Ministro Defeza no Seguransa, Jose Agustinho Siquera Somotxo. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Ministro Defeza no  Seguransa (MDS) José Agustinho Siquera Somotxo hatete, Timor – Leste so instituisaun rua hanesan Polisia Nasional Timor – Leste (PNTL) no Falintil Forsa Defeza Timor – Leste (F-FDTL) mak bele kaer kilat hodi halo seguransa ba nasaun.

“Iha Timor mak ema sivil lori kilat ne’e krime, lori kilat ou rai kilat atu halo saida, iha Timor so instituisaun rua deit mak bele lori kilat hanesan militar no PNTL deit, sivil lori nia objetivu saida ne’e mak ami hetan medidas ba ema ne’ebe lori kilat todan,” dehan Ministro Somotxo ba Jornalista sira iha Portu Dili, Kinta (21/12/217).

Durante ne’e, kiat hamutuk 10 resin mak lakon iha krize 2006 to agora sei dauk hatene los paradeiru husi kilat hirak ne’e.

Tanba ne’e, Ministro Somotxo husu ba populasaun hotu iha Timor – Leste sente an, karik balun rai hela kilat ruma iha uma bele lori ba intriga iha parte PNTL no F-FDTL.

Ema numeru ida iha instituisaun PNTL no F-FDTL ne’e informa, data ikus ba populasaun hirak ne’ebe rai kilat iha uma atu intrega remata iha 31 Dezembru 2017 kuandu liu husi data ne’ebe termina la intrega, sira nia parte sei hola medida oinseluk atu buka tuir kilat hirak ne’e, bainhira hetan iha komunidade balun nia uma mak sei toma responsabilidade ne’ebe todan.

Relasiona ho informasaun ne’ebe mak espalla katak kilat hirak lakon seidauk hetan halo populasaun balun paniku tanba hare ba situasaun politiku ne’ebe oras ne’e daudaun lao hela iha Timor –Leste.

“Konserteza paniku ne’e uluk kedas, ohin loron hau mai holaparte iha iha MDS mos preokupa, lolos ministru hirak ne’ebe liu ona mos bele hanoin, maibe hanoin ka la hanoin hau la koi koalia ba ida ne’e, hanesan MDS atu kompleta hau nia misaun, hau lakoi ema sivil sira atu rai kilat iha uma,  uluk ami iha ailaran mak presiza kilat atu halo funu maibe agora ukun an ona ema sivil rai bebeik kilat atu halo saida, ema sivil so rai deit ai suak, katana hodi halo tos,” dehan Ministro Somotxo.

Editór: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here