Home dezenvolvimentu Governu Agradese Arka da Paz fó Tratamentu ba Populasaun 7000 resin

Governu Agradese Arka da Paz fó Tratamentu ba Populasaun 7000 resin

231
0
SHARE
Ro Arka da Paz. Photo: Espesial

By: Hortencio SANCHES

THETIMOR-NEWS.com, DILI – Durante loron 9 hela iha Timor Ró mediku Arka da Paz konsege fo tratamentu ba populasaun hamutuk 7000 resin. Tanba ne’e, governu liu husi Ministro Defeza no Seguransa (MDS) Jose  Agustinho Siquera Somotxo lori povu, estadu no veteranus Timor – Leste nia naran hato agradese ba estadu Xina.

Ministro Defeza no Seguransa, Jose Agustinho Siquera Somotxo. Photo: TTN/Hortencio Sanches

Eis Guirilleiru ne’e afirma, laos Timor – Leste deit mak presiza ajuda husi Ró ne’e, maibe populasaun hotu iha mundu presiza tulun husi Ró refere.

Nia haktuir, durasaun Arka da Paz iha Timor – Leste tempu badak tebes tanba ne’e populasaun barak mak la konsege halo tratamentu, maibe populasaun balun konsege halo duni tratamentu.

“Durante loron 9 nialaran, mediku siraiha Ró Arka da Paz halo atendimentu ba ita nia populasaun sira buat hotu lao ho diak tebes, maibe nia tempu iha ne’e mak badak los, tanba populasaun sira ne’ebe mak hela iha fatin dok labele atu assesu inklui sira ne’ebe iha Dili mos la konsege assesu,” dehan Ministro Somotxo ba Jornalista sira iha Portu Dili, Kinta (21/12/2017).

Arka da Paz to iha Timor – Leste iha 14 Dezembru semana kotuk no ohin  21 Dezembru fila ona ba Xina.

Vizita Ró ne’e, hola parte mos iha koperasaun bilateral entre Timor – Leste no Xina atu sai amigo ne’ebe  metin liu tan.

Hafoin vizita mai Timor – Leste, durante ne’e Arka da Paz halo mos vizita ba nasaun sira iha kontinente Afrika, Azia no  Oseano Pasifiku.

Editór: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here