Home ekonomia Eis Deputadu III Lejislatura 20 Resin Seidauk Intrega Kareta

Eis Deputadu III Lejislatura 20 Resin Seidauk Intrega Kareta

475
0
SHARE
Kareta Prado ne'ebe durante ne'e deputadu sira utiliza. Photo: Spesial

By: Hortencio SANCHES

TEHTIMOR-NEWS.com, DILI – Sekretario Jeral Konsellu Adminitrasaun Parlamentu Nasional (SJKPN) Mateus Ximenes Belo informa, oras ne’e daudaun eis membru deputadu III lejislatura 40 resin intrega ona kareta ne’ebe durante ne’e sira uza iha sira nia mandatu hanesan deputadu iha Parlamentu Nasional (PN), maibe hela 20 resin seidauk intrega.

Tanba ne’e sira nia parte halo nafatin aprosimasaun no haruka karta ba eis deputadu hirak ne’e atu nune’e iha tempu besik beleintrega kareta hirak ne’ebe mak sira   sei  uza hela maski sira nia mandatu hotu ona.

Sekretario Jeral Konsellu Administrasaun Parlamentu Nasional, Mateus Belo. Photo: TTN/Hortencio Sanches

“Ami kontinua halo aprosimasaun ba eis deputadu hirak ne’ebe mak seidauk intrega kareta, iha 10 Novembru ami mos haruka ona karta ba sira ne’e sei haruka to Janeiru hamutuk dala 3 ona ami haruka karta ba sira atu nune’e sira  bele intrega,” dehan Mateus ba Jornalista sira iha nia kanr fatin PN, Kinta (21/12/2017).

Nune’e nia parte garante, eis deputadu hirak ne’e sei intrega hotu kareta ne’ebe mak durante ne’e sira uza maski balun troka ona sapa matrikula ba privadu.

“Ita agora ne’e iha dilemma uitoan ne’e, maibe lolos kareta hirak ne’e patrimoniu estadu ninian pois ami halo dezisaun para atu hare ba nia  solusaun, kona ba sira troka sapa matrikula ne’e dezisaun tanba naton ne’e sira hetan autorizasaun tanba ne’e mak desizaun ida mak halo sira mos laiha kulpa kona ba ne’e,” dehan Mateus.

Dezisaun ne’ebe mak eis deputadu hirak ne’e hetan, kareta ne’ebe durante sira uza bele halo leleun ho osan 8 mil, maibe la konsege tanba hetan kritika makas husi sosiedade sivil no Organizasaun Estudante Universitariu Timor – Leste sira.

Tuir estudante universitariu no sosiedade sivil sira nia hare ba kareta hirak ne’ebe mak deputadu tuan sira ne’e uza maioria kondisaun diak, bele intrega hikas ba deputadu foun VI lejislatura sira bele uza hodi halo servisu atu nune’e labele gasta osan sosa kareta foun.

Editór: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here