Home dezenvolvimentu Konsidera Rekursu Husi Opozisaun, PPN Adia Diskusaun OR

Konsidera Rekursu Husi Opozisaun, PPN Adia Diskusaun OR

105
0
SHARE
Prezidente Parlamentu Nasional, Aniceto Guterres.Photo: Google.com

By: Hortencio SANCHES

THETIMOR-NEWS.com, DILI – Prezidente Parlamentu Nasional Aniceto Guterres adia tan diskusaun Jeneralidade proposta lei Orsamentu Ratifikativu (OR) maski ajenda tiha ona husi lider bankada hotu iha Parlamentu Nasional (PN) semana kotuk, maibe iha sesaun dahuluk diskusaun Opozisaun ejiji makas ba meza atu halo uluk diskusaun ba rekursu ne’ebe mak sira hatama ona iha fulan kotuk.

Rekursu ne’ebe mak opozisaun hatama, bainhira partisipa plenaria ne’ebe mak halo iha 20 Novembru liu ba, hare ba rekursu hirak ne’e, PPN Aniceto la halo ajendamentu tanba rekursu refere laiha fundamental tuir Rejimentu PN.

“Tuir giaun debate jeneralidade sei realiza iha loron 18 no 19 ne’ebe mak aprova ona iha konferensia lider bankada hotu, maibe agora tenke adia tanba bankada opozisaun sira ejiji hakarak debate uluk rekursu admisaun ba proposta OR nian, entaun aban mak marka plenaria hodi debate rekursu admisaun husi opozisaun sira nian ne’e,” dehan PPN Aniceto bainhira taka Plenaria Parlamentar, Segunda (18/12/2017).

Tuir Rejimetu PN, bainhira proposta lei orsamentu nian tama ona sei laiha tan proposta seluk atu debate.

Objetivu husi diskusaun OR ne’e atu responde ba nesisidade governu no povu Timor – Leste nian ne’ebe agora daudaun hasoru hela.

Editóra: Agida DOS SANTOS  COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here