Home dezenvolvimentu Prezensa “Peace Ark” Hametin Koperasaun Bilateral Timor – Leate-Xina

Prezensa “Peace Ark” Hametin Koperasaun Bilateral Timor – Leate-Xina

524
0
SHARE
Mediku sira iha Ro Peace Ark nia laran koalia hela ho PR Lu-Olo, bainhira PR Lu-Olo akompaina husi nia Espoza vizita iha Ro refere. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Prezidente Republika (PR) Francisco Guterres Lu-Olo hatete, prezensa Ró ahi “Peace Ark” iha Timor – Leate atu halo tratamentu ba Timoroan ne’ebe sofre moras, nume’e bele hametin liu tan koperasaun bilateral entre rai rua.

PR Lu-Olo iha Ro Ark nia laran, koalia hela ho kapitaun Ro no mediku sira. Photo: TTN/Hortencio Sanches

“Ró ahi ark ne’e mai atu kura ita nia populasaun hirak ne’ebe mak moras, ne’e duni hau ohin mai vizita iha ne’e, iha ne’e hau hare mediku sira iha Ró laran halo operasaun mos ba veteranus hirak ne’ebe mak durante funu kilat musan sei iha hela sira nia isin, alende ne’e ita hare ajuda umanitaria ida ne’e tama hotu iha koperasaun bilateral Timor – Leate ho Xina,” dehan PR Lu- Olo ba jornalista sira hafoin remata vizita ba iha pasiente sira ne’ebe konsulta iha Ró ahi Ark, Domingo (17/12/2017).

Entretantu, Xefe estadu fiar ajuda ne’ebe mak Xina fo ba Timor – Leate sei la to  deit iha ne’e, maibe iha futuru kontinua nafatin hodi hametin nafatin relasaun diak.

Mediku sira halo hela tratamentu ba pasiente Timoroan sira iha Ro Ark nia laran. Photo:TTN/Hortencio Sanches

Tuir ema numeru ida iha Timor – Leate ne’e, ajuda ne’ebe mak Republika Popular Xina halo atu nune’e ba oin governu Timor – Leate bele mos kria kondisaun ne’ebe diak hodi fo tratamentu ba pasiente sira ne’ebe sofre moras.

“Hanesan Xefe estadu hau fiar katak iha futuru governo bele mos kria kondisaun diak ba iha area saude para bele atende ita nia pasiente hirak ne’ebe mak hetan moras,” dehan Xefe estadu.

Tanba ne’e, Xefe Estadu lori povu Timor – Leste hotu hato obrigadu no agradese ba Governu Xina ne’ebe apoi ona Timor – Leste iha area saude.

Hafoin vizita Timor – Leate, durante ne’e Ró ahi refe halo mos vizita ba iha nasaun sira iha kontinente Afrika no Azia.

Ró Ark oras ne’e daudaun para hela iha Tasi portu Dili, hodi halo tratamentu ba Timoroan ne’ebe mak moras no kada loron mediku sira iha Ró ne’e simu ema hamutuk 600 hahu husi 8:00 to 05:00 OTL.

Bendera husi Nasaun hirak ne’ebe mak durante ne’e Ro Ark vizita ona. Photo: TTN/Hortencio Sanches

Antes  ne’e, Kapitaun Barco Peace  Ark bainhira hasoru malu ho PR Lu-Olo iha loron hirak liu  ba promote, Xina nafatin fo apoiu ba Timor – Leste hodi nune’ebe  bele ajuda dezenvolvimentu ne’ebe mak oras ne’e daudauk nasaun ne’e halo hela.

Ark hela iha Dili durante loron 8, sei fila hikas ba Xina 21 Dezembru semana oin.

Editóra: Agida DOS SANTOS I COPYRIGHT © THETIMOR-NEWS 2017

 

LEAVE A REPLY

Please enter your comment!
Please enter your name here